Lucas 6:5 - Tradução Bíblica Pacaas Novos

⁵ Je ca tomi' xuhu' ca' ac tococwa na. Taramaxicon ina. Wata' pain ca Iri' Wari' ta' ca', Taramaxicon pan ina. Wata' co tomi' xo' nuhu' pain carawa ca ara xi' hwe pain xec nein ca xao to wa ne ca xumu wa quem na ca tomi' tococwa ma'.

Lucas 6:5 Iomraidhean Croise

Marcos 2:27

Tomi' ac tococwa na: Mi' napari' pain xec nein ca xao to wa ne ca xumu wa Iri' Jam, ma' ta quep xiho' cuhu' pain ca wari' nuhu' ta napari'. Om ca mi' e' capari' pain ca tomi' ha' e' xun pain ca om taramaja wa pain xec nein ca xao to wa ne ca xumu wa ta.

Marcos 9:7

Hwet qui' ac ne na tajain nanawin. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' Panxita' co om noc camain' ta' cwa'. Taraju wet jun ta na ca tomi' nucun.

Lucas 6:4

Corom mao nain xiricon Iri' Jam pane, cut ac cain na capam' ca an toco' mi' tocwa Iri' Jam. Cao' ac cain na quem. Cao' xica' to xirarain oro sacerdote. Tomi' caho' paxi' tata pain ca cao' wa oro xucucun wari', ane cao' pan cain Davi ne. Cao' jein quem ac tococwa na oro win ma' ca quem.

Lucas 6:6

Om ca pain homa ne, pain xijein sábado ma', corom mao ac cain na xirim ca cut in to xucucun oro judeu Jeju. Pijim' ta' ta ac ca na, ca' na ac tococwa na pain capijacon Iri' Jam. Pe nain i ma' wari' co xirac micon ma'. Iri' curucun na ca xirac ma'.

Apocalipse 1:10

Xec nein ca mam' pe wet xine ca e' mami' ca Taramaxicon nexi' pin iri na ne, pain domingo pain cara pane, pe ho' mip ac capa' na Tamataracon Iri' Jam. Taraju ac tain na ca tomi' wa ma', pain wara ma'. Tomi' mip na. Ac ca on xine caji taracom napa'.