Lucas 6:46 - Tradução Bíblica Pacaas Novos

⁴⁶ Para Taramaxicon ne Taramaxicon ne mahu' pain ca tomi' mahu' ma' quem? Xi tomi' ha' mahu' ta ac tococwa na.

Lucas 6:46 Iomraidhean Croise

Mateus 25:11

Om ca pain homa ne, in qui' ac cacama na co om coromicat xo' nana ma'. Merem ac cacama na: Taramaxicon nuxut. Taramaxicon nuxut. Pa xut. Corom xi' urut na ca merem nequequem.

Mateus 25:24

Xut hwet ac con na co an xica' pe e' nain moeda nein prata. Tomi' ac con na: Taxi' inem pain ca om xiram pa' taxi' momon oro wari' ta taramaxicon. An xiho' mon wari' co cut taxipa' nain oro memem ca om oin' ca ma'. An xiho' mon wari' co top nain caramaji totacon xucun wari' ma' quem na ca tomi' ximao nucun.

Mateus 25:44

Tomi' querec ac cacapa' tara: Cain' cain' xira quem Taramaxicon nuxut ac cacapa' tara. Ma' xec ca querec urut pum pain ca pe' nem pane quem? Ma' xec ca querec urut pum pain ca toc xita' com na ma pane quem? Ma' xec ca querec urut pum pain ca tatirim ma pane quem? Ma' xec ca querec urut pum pain ca om quem wom co pe wa pane quem? Ma' xec ca querec urut pum pain ca caxi nem pane quem? Ma' xec ca querec urut pum pain ca tao' pe pin quequem pain xirinain ca tao' to tao' to to wa pane quem? Ma' xec ca om quep xiho' urut pum pane quem? Ac i ma' tara ca tomi' querec cacapa'.

Gálatas 6:7

Ma' tara xumuhu' me, coromicat xo' je. Om ca tatam' tatam' tomi' xirac ac tocwa Iri' Jam ta. Tocwi ca oin' ca wari' pain totacon ma', je tara tocwi ca cut ta' ca quem, om ta cut cain xijein tocwi.

Tiago 1:22

Tomi' ha' jein capijacon Iri' Jam. Ta taraju e' hwein me, tomi' ha' jein. Mo ta taraju e' hwein, om na xumuhu', xi coromicat xo' hwe ta.