Lucas 6:42 - Tradução Bíblica Pacaas Novos

⁴² Hot pin tain wijimain tohoromi pana ca pe nain tucum ma' xa' mon win ma' ma ra? Je i ma' ne ma ra? Cain' cain' xima quem? Ma' na ca tomi' ac i ma' ac ma ra? Xi ha' quem pain ca querec pin' main cote ne pana ca pe nain tucum ta. Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha pin ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma' na ca tomi' tococwa ma'.

Lucas 6:42 Iomraidhean Croise

Mateus 26:75

Mam' pe wet ac cain na ca tomi' nucun Jeju pane. Om ta aca querec ca me, tomi' ac momon tara, om ca querec pin' ton ta ac momon tara pata', ma' 3 tara ca tomi' ac i ma' toton ma quem Pedro, ac i ma' na ca wara tomi' con pane. Hwet mao ac ca na, aca tamana ac ca na quem.

Mateus 7:3

Tomi' inem pain ca tomi' em' mon win ma' ma pain wijimain ca caracat nucun ma' ac tococwa na. Tomi' em' iri mon ne, an xiho' ac mon na wari' co noro e' nain wijimain tohoromi pana ca pe nain tocon win ma' ca ma'. Xi querec pin' pan cain cote ne pana ca pe nain tocon ta!

Mateus 7:4

Hot pin tain wijimain tohoromi pana ca pe nain tucum ma' xa' mon win ma' ma ra? Je i ma' ne ma ra? Cain' cain' xima quem? Ma' na ca tomi' ac i ma' ac ma ra? Pe ara xi' nain tucum cote ne pana ta.

Lucas 13:15

Tomi' ac ca na Taramaxicon nexi': Wa inuhu' pain ca ac ca iri'o' xi' ca' tara me hwe ma'! Win hwe pain ca wara pao' to hwein boi nuhu' je burro nuhu' pain ca cao' to ne ma'. Toc tara com iri hwein pain sábado ne, om ca tacom' horohot hwein ra? Om ca o hwerehwet hwein, om ca o mi' hwein pain com ra? Ac i ma' ac i ma' xam' hwe ta.

Lucas 22:32

Ane tomi' mi' xim con Te quem ne Simão. Ma' ta om pan' ma con, ma' ta hwara' opa cara ma pain ca howa nem inon pum. Cwirin' pin iri rain ca caracat nem ne, to' hwara' opa ac momon tara pain ca howa nucucun xerem cwa' quem na ca tomi' con Simão Jeju ma'.

Lucas 6:41

Tomi' inem pain ca tomi' em' mon win ma' ma pain wijimain ca caracat nucun ma' ac tococwa na. Tomi' em' iri mon ne, an xiho' ac mon na wari' co noro e' nain wijimain tohoromi pana ca pe nain tocon win ma' ca ma'. Xi querec pin' pan cain cote ne pana ca pe nain tocon ta!

Lucas 6:43

Tomi' xin oro panaji memem ma' quem ac tococwa na. Panaji memem ca awi ma', om ca wina pan tem ne. Panaji memem ca pan tem ma' iri na ne, om ca wina awi ne quem.

Atos 13:10

An xiho' a ximon Caxicon Jam ta! Ari ari pi' pin main oro ca awi wa ta. Iri' waximain ca mixein wa pain ca pan tem wa a xima. Je xi tomi' napat maho' qui' mon Iri' Jam pain ca iri'o' nucun quem? Mixein taxipa' a xima, tomi' ni ca' a ximain capijacon ca iri'o' ta na ca tomi' carapita con ma'.

Atos 2:38

Cwirin' pin jein ca caracat nuhu' ta ac cocon na Pedro. Ja' ja' pi' pin ac xihwe tara pain com quem. Ma' ta querec pin' xihwe pain ca howa pin hun Jeju Cristo. Ma' ta xic am pin cain ca caracat nuhu' Iri' Jam ma' quem. Mi' ac cuhu' tara pain Tamataracon.

Atos 8:21

Om ca na camain' ne pain ca taramaja wi maparut ta, xi taramaja wi roron ta quem Iri' Jam parut ta. Querec pin' nem pain ca om xumu xo' ma ma'.

Romanos 2:1

Je ca tomi' xuhu' ca'. Taxi' urun Iri' Jam pain ca wap mip cocon oro wari' co pan teretem ac i ma' nana ma'. Na e' na pain ca wap cocon quem. Je ca tomi' xuhu' ca', tomi' inem pain ca tomi' em' momon oro xucucun wari' co pan teretem nana ma'. Tomi' em' iri momon pain ca pan teretem nucucun ne, tomi' em' pan ac xijem na quem, xi an xiho' ara momon pain ca pan teretem nucucun ta. Om ca nain ho' ac xijem pain ca pan tem nem ta.

2 Coríntios 5:18

Wirico Iri' Jam co to' xocoricon wari' pin napari' cwa'. Wirico co taxipa' pin xijexi' ta napari', xi om ne ca mi' pin caho' ara capari' Cristo ta. Mi' naparut pain ca taramaja nuxut ca' quem, pain ca tomi' xo' jujun oro wari', ma' ta wari' ne toton, je pain ca taxipa' pin cacapa' ta naparut.

2 Timóteo 2:21

Je ca tomi' xim ca': Wari' pain ca howa xun Cristo Jeju cwa', mo ta an to pin xin oro ca caracat wa, an xiho' ac xin tara oro prato ca mam' cao' e' ca waximain pain ca tomi' querec te wi cocon oro win ma' ca ma'. To' hohot ac capari' tara Taramaxicon nexi', mam' taramaja ac capari' tara quem. Xi wara awori to ara xi' pain ca ara xin irin oro ca awi wa ta.

2 Pedro 1:9

Wari' co om ara nain ca tomi' mi' xuhu' ca' iri na ne, ac ca om ne na tocon, ac ca paxi' pe ca na, xi taraju pa' ca ta. Ji'am pin nain ca ara nucun Iri' Jam pane, pain ca xic am pin qui' cain ca caracat nucun pane.