Lucas 6:38 - Tradução Bíblica Pacaas Novos

³⁸ Mi' querec te xujuhu' pain oro carawa, mi' pan ac cuhu' pain tara Iri' Jam quem. Mi' tamana turuhu' pain, win ca wari' co vender nain tocwi trigo ma'. Cut moin' nain, xin xam' nain, joc xoco' moin' ac cain na. An ho pa' mami' ac cain na, ma' ta moin' ne ca mam' cut nein pata' ta na. Ac i ma' turuhu' Iri' Jam quem, win hwe ma', pain ca mi' querec te caracan xujuhu' pain oro carawa ma', ac i ma' tara ca mi' xim cuhu' pain quem.

Lucas 6:38 Iomraidhean Croise

Mateus 10:42

Mo ta ma' ca wari' co xiram pa' non win ma' ca co taxipa' napa' ma'. Xiram pa' inem, xi om ne ca taxipa' ara mon Jeju ta, mo ta tomi' ac i ma' con pain ca xiram pa' con ma', ame hwe e'. Main mi' toron pain ca awi wa Iri' Jam ta. Tomi' iri'o' ina, wijimain paxi' tara carawa ca mi' con win ma' ca ma', am cam mi' e' con pain wijimain ca xio ne com ma', om paxi' tara ca hwara' opa ca win ma' ca co xiram pa' ca ma'. Je i ma' ira, mo ta xiram pa' con, aram aram mi' pan ac con tara pain ca awi wa Iri' Jam ta na ca tomi' caparut Jeju pane.

Mateus 7:2

Mo ta tomi' em' xujuhu' pain ca pan teretem wa ma', ac i ma' tara ca tomi' em' xim cuhu' pain ca pan teretem wa Iri' Jam quem. Ca tomi' em' tamana nuhu' ma', win hwe ma' ac cuhu' tara, tomi' em' ac i ma' ac cuhu' tara pain ca pan teretem wa quem.

Marcos 4:24

Taraju wet jein ca tomi' xuhu' ca' ac tococwa na. Mo ta taraju wet hwein, mi' ac cuhu' tara pain ca taraju pa' wa Iri' Jam. Mo ta taraju wet taraju wet tiquin' hwein, mi' mi' tiquin' ac cuhu' tara pain ca taraju pa' wa quem.

Lucas 6:30

Oro wari' co mi' xut nenem pain carawa ma', mi' mi' xam' roron pain carawa ca mi' xut caca ma'. Mo ta ma' ca wari' co an ca' nem pain caramajum ma', ta mi' in hwet ne pain mon me.

Tiago 2:13

Oro wari' co om xiram pa' nonon oro win ma' caca ma', om ta xiram pa' pan tococwa pain ca tomi' xo' xun tococwa pain oro ca tomi' caca, je pain oro ca ara caca quem. Oro co xiram pa' nonon oro win ma' caca ma' iri nana ne, xiram pa' ac tococwa tara pain ca tomi' xo' xun tococwa ta.