Lucas 6:37 - Tradução Bíblica Pacaas Novos

³⁷ Ta tomi' em' xujuhu' pain ca pan teretem wa me ta ac tococwa na. Om ac ne tara ca tomi' em' cuhu' pain ca pan teretem wa Iri' Jam quem. Ta tomi' mi' xujuhu' pain ca wap wa pain ca pan teretem wa me. Om ac ne tara ca tomi' mi' cuhu' pain ca wap wa pain ca pan teretem wa Iri' Jam quem. Mana' mana' om xujuhu' pain ca ara cup xujuhu' ma', xic am pin ac cain tara ca caracat nuhu' Iri' Jam ta.

Lucas 6:37 Iomraidhean Croise

Mateus 18:30

Ane om ha' con ne. Noc inain ta ac con na, mo hwet ac cain na xirinain ca tao' to tao' to to wa ma', tao' pe jun ta ac tococwa na. To wet iri ca ma'. Mo ta pagar pin capa' pain ca dever capa' ma', om pin ac hun tara ta na ca tomi' tococwa ma'.

Mateus 5:7

Param mi' tata pain ca awi wa oro wari' co xiram pa' nonon oro win ma' caca ma'. Wiricoco ara xi' nana co xiram pa' wawa ta.

Marcos 11:25

Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain.

Lucas 23:16

Je ca tomi' ca' ton toton oro soldado ne cwa': Wap jun pain caji macon ca ma' arain too pain tamain ta toton. Wap iri jun ne, pa hwet pin ac hun tara ta toton na ca tomi' tococwa ma'.

Lucas 6:36

Xiram pa' taxipa' jujun oro wari' ta. Win ne ca xiram pa' taxipa' capari' Cotere' Iri' Jam quem na ca tomi' tococwa ma'.

Atos 3:13

Om na ta! Ca hwara' opa pan nucun Iri' Jam ta, co Iri' Jam ne caca hwanana nexi' cara pane, Abraão con Isaque con Jacó cara pane, wirico pan na co quep xio pin non wari' cwa', wirico co an hwet mi' nuhu' pain ca hwara' opa tamana nucun Jeju cara pane, co taramaja mi' taxipa' non pane. Quep jun Jeju ta huhun oro taramaxicon nuhu' pane, o mi' ac cocon na con taramaxicon Pilatos quem. Ma' ta to' pa' pin cocon oro soldado nem ta nonon pane. Om pin ton paxi' non Jeju Pilatos pane. Ane tomi' napat pan hun ne. Noc urut con ta hun.

Efésios 4:32

Ca' je, xiram pa' xujuhu'. Quep xiho' xujuhu'. Mo ta ara cup xujuhu', ta mana' xujuhu' pain me. Mana' mana' om pin xujuhu' pain ca caracat nuhu' pain ca ara cup xujuhu' ma'. Win cuhu' Iri' Jam ma', pain ca ji'am pin cain ca caracat nuhu' con Cristo.

Colossenses 3:13

Ma' iri tara ca to' i'ina nuhu' cocon oro win ma' hwe ne, tomi' pan hot ac xujuhu' tara. Ji'am pin jein ca mana' nuhu' pain ca ara cup xujuhu' quem. Win ca Taramaxicon nexi' pain ca ji'am pin cain ca caracat nexi' ca', ac i ma' tara ca ji'am pin hwein ca mana' nuhu' pain ca ara cup xujuhu' ma' quem.

Tiago 2:13

Oro wari' co om xiram pa' nonon oro win ma' caca ma', om ta xiram pa' pan tococwa pain ca tomi' xo' xun tococwa pain oro ca tomi' caca, je pain oro ca ara caca quem. Oro co xiram pa' nonon oro win ma' caca ma' iri nana ne, xiram pa' ac tococwa tara pain ca tomi' xo' xun tococwa ta.

Tiago 5:9

Ta tomi' wijimi xujuhu' me xere. Ma' ta om tomi' em' pan xihwe ta. Xi om ne ca wixicam pin ara ne ca maqui' nucun co ma' co iri' Juiz ma', co tomi' xo' xim napari' pain oro carawa ca ara iri' ca'. Wara xat pe ho' pin nain man ca corom wa ma', pain ca corom hwet xim capari' ma'.