Lucas 6:3 - Tradução Bíblica Pacaas Novos

³ Om na ta ac cocon na Jeju. Om ca noro hwein capijacon Iri' Jam ra pain ca pijim' xine carawa ca ara ca taramaxicon Davi cara pane, pain ca pe' qui' ca Davi cocon oro win ma' ca pane?

Lucas 6:3 Iomraidhean Croise

Mateus 19:4

Om ca noro hwein capijacon Iri' Jam ra ac tococwa na. Ca' na ca xirao' pe xine con: Quep iri non wari' Iri' Jam pain cara pane ne, pain ca xo' quep qui' con wari' pane, quep ac con na tarama', quep ac cam na narima' quem.

Mateus 21:16

Om ca taraju main ca tomi' caca hwijima' cwa' ra? Je xi tomi' in pin momon quem nonon Jeju pain ca mana' nucucun. Taraju toton ca' ira ac tococwa na. Om ca noro camain' hwein ca xirao' pe ca profeta pain capijacon Iri' Jam ra? Ca' na ca xirao' pe nein con: In ac nonon Iri' Jam oro hwijima'. Oro hwijima' co xoc xoc wet nana catat quem, in ac nonon Iri' Jam. Wirico Iri' Jam co mi' nonon pain ca in ac cocon ma'. Ac i ma' na ca tomi' tococwa ma'.

Mateus 21:42

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na. Wirico Iri' Jam pan na co ara nain i ma'. Wa wa tamana ac urun na quem. Ac i ma' na ca xirao' pe xine pain capijacon Iri' Jam pane na ca tomi' tococwa ma'.

Mateus 22:31

Pain ca e' mami' xi' caca co wara cono' nana ma' iri na ne, wara tomi' xo' nuhu' Iri' Jam ma'. Om ca noro hwein capijacon con Abraão con Isaque con Jacó cara pane ra? Wara pain paxi' na ca cono' caca pane, ane tomi' ca' con Moisés Iri' Jam pane ne:

Mateus 4:2

Mon to wet ac cain na i cain. Om ca cao' ca. Noc nain ca cao' wa. Ma' ta tomi' ton Te ta na. Ma' 40 na xec, ma' 40 na xim pain ca om cao' ca pane quem. Pe' pin ac ca na.

Marcos 12:10

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na.

Marcos 12:26

Pain ca e' mami' xi' caca co wara cono' nana ma', xirao' mi' nuhu' pain Moisés cara pane. Om ca noro hwein ca xirao' nucun pain ca pijim' qui' cain wijimain pana ca wiran ximao pane ra? Wara pain paxi' na ca cono' caca Abraão con Isaque con Jacó cara pane, ane tomi' ca' con Moisés Iri' Jam pane ne: Wata' co Iri' Jam cwa'. Iri' Jam ne napa' Abraão cwa', Iri' Jam ne napa' Isaque cwa', Iri' Jam ne napa' Jacó cwa' quem. Iri' Jam ne Iri' Jam ne wet nanapa' ta na ca tomi' con Moisés Iri' Jam pane.