Lucas 6:29 - Tradução Bíblica Pacaas Novos

²⁹ Tomi' inem pain ca mana' quem wari' ma' quem. Mo ta wap quem, pain xijein orocoxum ma', mo ta wap mami' xim quem quem, je i ma' ira, jami mi' ron pain xijein orocoxum, wap mami' ne pain me ac mon tara quem. Mo ta ma' ca wari' co an mao ton non to' om capin' nem ma', ta nain ho' mon con iri' curucun womum ma' quem me.

Lucas 6:29 Iomraidhean Croise

Mateus 26:67

Ma' ac caca na co cupa' nonon pain tocon ma', to' to' ac cocon na. Ma' ac caca na oro xucucun co wap nonon quem.

Lucas 22:64

Tatep pa' nanain tocon, tomi' querec ac cocon na: Ma' co wap nem cwa' quem? Tomi' hwet rain wixicon co wap nem cwa' ta ac cocon na.

Lucas 6:30

Oro wari' co mi' xut nenem pain carawa ma', mi' mi' xam' roron pain carawa ca mi' xut caca ma'. Mo ta ma' ca wari' co an ca' nem pain caramajum ma', ta mi' in hwet ne pain mon me.

João 18:22

Tomi' iri nain i ma' ne, wap ac cain tocon na guarda co xat pe nain i ma'. Tomi' xo' ximon sacerdote co iri' taramaxicon ta non.

Atos 23:2

Wap jein capijacon ta ac ca na sacerdote co iri' taramaxicon ma', Ananias ma'. Tomi' tata co coco' ho' nonon Paulo ma' quem, wap ac cacain na.

1 Coríntios 4:11

Qui' urut pain oro carawa ca ara naparut ca' ira. Wara ximin urut pain cara pane, ximin ximin wet urut pain xocori ca' quem. Tama' pe' urut. Werewein taxipa' na womuxut. Quep em' nanaparut pain ca to' cacaparut pain micocon. Om taxipa' naparut xirim ca to xo' urut.

1 Coríntios 6:7

Pain ca tomi' hwet huhun pain ca ara cup pin xujuhu' oro juiz ma', je i ma' ca an hwet pe hwein ca pan teretem tamana nuhu' ta. Je xi pin ca ma' pain ne xujuhu' quem? Je xi mixein ma' tarapa' ne xujuhu' quem?

2 Coríntios 11:20

Xi tomi' pan hot ara huhun oro co quep xirac nunuhu' ta. Mo nana: Co taramaja mi' e' xut nunuhu' pain ca tomi' ha' xut ta cucuhu' ma'. Co mixein nunuhu' pain ca cut noc xa cacain caramajuhu' ma'. Co tomi' xec xec nunuhu' pain ca xin to nucucun. Co tomi' xirac nunuhu', to' to' ac cucuhu' na pain tucuhu' ma' quem.

Hebreus 10:34

Xiram pa' tamana huhun oro co tao' to wawa pain xirinain ca tao' to tao' to to wa ma'. Cut ca' iri xihwe pain oro caramajuhu' ne, tomi' querec te cara ac hwe na quem. Je i ma' ira, ma' ma' wet ara xi' napari' iri' carawa ca om pi' ra ha' cain, ca to pawin cain. Awi tiquin' ca' nain caramajixi' ca pe macan' ca' quem ac hwe na pane quem.