Lucas 6:28 - Tradução Bíblica Pacaas Novos

²⁸ Mo ta tomi' noro cucuhu' oro wari' co quep em' nunuhu' ma', tomi' mi' jujun con Iri' Jam. Xiram pa' roron, mi' roron pain ca awi wa ca' jun pain ca tomi' mi' huhun con.

Lucas 6:28 Iomraidhean Croise

Mateus 5:44

Ane tomi' pan xuhu' pain i ca' ne: Ta noc huhun co noc nunuhu' ma' me. Tomi' mi' jujun con Iri' Jam oro wari' co ja' tequi' quep em' nunuhu' ma' quem.

Lucas 23:34

Tomi' ac con na Cote ca Jeju: Xic am pin rain ca caracat nucucun caram cwa' quem Te. Xi ma' ne ximicocon ta. Hohot tara ma' nana pain ca tatatain mi' cacapa' pain pana ca' non. An an xam' xun womicon cwa' ta ac caca na oro soldado ma' quem. Ma' xi an non co cwa' ne, ma' xi an non co cwa' ne xucucun, ara ara ac cacain na ca ara taxipa' caca ma', taxi' ac xucucun na con wom co an xi' caca ma'.

Lucas 6:27

Wahu' pain ca taraju mahu' ma' iri na ne, tomi' ca' inuhu' ta ac tococwa na. Ta noc huhun co noc nunuhu' ma' me. Ara mi' jujun pain ca awi wa.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

Atos 14:5

Tomi' xo' ac xucucun na oro wari' ma', wiricoco co om judeu nana ma', wiricoco oro taramaxicon nucucun oro judeu ma' quem, tomi' xo' ac xucucun na: Quep em' xun Paulo con Barnabé ta ac xucucun na. Quep em' xuxun, to' to' cono' pin xuxun pain pacun ta, ac i ma' na ca tomi' xucucun.

Atos 7:60

Pe torotop pe ac ca na, merem mip ac ca na: Taramaxicon ne. Ta mana' momon pain ca caracat nucucun me ta non. Merem ac i ma' iri na ne, mi' pin ac ca na.

Romanos 12:14

Mo ta quep em' cucuhu' oro wari' pain ca howa hun Iri' Jam ma', tomi' mi' jujun con. Ara mi' roron pain ca awi wa quem Te Iri' Jam, ac i ma' tara ca tomi' mi' huhun con. Ta tomi' noro huhun me ta. Tomi' mi' e' jujun con Iri' Jam. Ara mi' jujun pain ca awi wa me roron.

1 Coríntios 4:12

Tama' jam' urut pain ca taramaja tamana nuxut pain ca cut xin carawa ca cao' wa ta urut. Tomi' noro iri nanaparut oro wari' ne, tomi' querec te ac urut cocon na, ara mi' turuhu' pain ca awi wa Iri' Jam ta ac urut cocon na. Quep em' iri nanaparut ne, quereme ac urut cocon na quem.

Tiago 3:10

Cain' cain' xixi' quem? Xica' pe paxi' na capijaxi', ane tocwan ne ca tomi' nexi' ne. In ac urun Iri' Jam, tomi' noro tomi' noro ac xuxun na oro win ma' nexi' ma'. Om ca na ne pain ca ac i ma' iri' ta xere.

1Pedro 3:9

Mo ta quep em' cuhu' wari' ma', mo ta tomi' xirac cuhu', ta win mapa' ne hun me. Tomi' mi' pan jun con Iri' Jam. Xiram pa' ron, quep xiho' ron ta Te Iri' Jam jun. Xi wara param mi' xuhu' pain ca awi wa ta ara cuhu' pain ca xo' howa xine ta qui' cuhu' pane ta.