Lucas 6:27 - Tradução Bíblica Pacaas Novos

²⁷ Wahu' pain ca taraju mahu' ma' iri na ne, tomi' ca' inuhu' ta ac tococwa na. Ta noc huhun co noc nunuhu' ma' me. Ara mi' jujun pain ca awi wa.

Lucas 6:27 Iomraidhean Croise

Marcos 4:24

Taraju wet jein ca tomi' xuhu' ca' ac tococwa na. Mo ta taraju wet hwein, mi' ac cuhu' tara pain ca taraju pa' wa Iri' Jam. Mo ta taraju wet taraju wet tiquin' hwein, mi' mi' tiquin' ac cuhu' tara pain ca taraju pa' wa quem.

Lucas 23:34

Tomi' ac con na Cote ca Jeju: Xic am pin rain ca caracat nucucun caram cwa' quem Te. Xi ma' ne ximicocon ta. Hohot tara ma' nana pain ca tatatain mi' cacapa' pain pana ca' non. An an xam' xun womicon cwa' ta ac caca na oro soldado ma' quem. Ma' xi an non co cwa' ne, ma' xi an non co cwa' ne xucucun, ara ara ac cacain na ca ara taxipa' caca ma', taxi' ac xucucun na con wom co an xi' caca ma'.

Lucas 6:22

Wahu' pain ca noc cucuhu' oro wari' ma', pain ca howa mahu' pain ca Iri' Wari' ta' ca', wahu' pain ca xin hwerehwet cucuhu' pain ca cut in to xucucun ma', je pain ca tomi' xirac cucuhu' ma', je pain ca tomi' ximama' cucuhu' pain ca pan teretem hwe ta cucuhu' ma', ara ac i ma' iri nunuhu' pata' ne, param mi' nuhu' pain ca awi wa Iri' Jam ta.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

Lucas 8:15

Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Lucas 8:18

Je ca tomi' ca' xuhu' ca': Taraju wet jein ca tomi' xuhu' ca'. Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju wet ma' iri na ne, co om taraju pa' xo' nain ca taraju nucun ma', an ca' ac tocwa tara pain wijimain ca taraju pa' nucun ma' quem na ca tomi' tococwa ma'.

Lucas 8:8

Oro wirain tocwi trigo ca camara' to nain macan' ca awi ma' iri na ne, hwara' pin ac ne na, mi xo' tamana ac ne na. Pain ca xica' pe ne arain ma', mi 100 na tocwi quem. Tomi' ac tococwa na: Mo ta taraju pa' xixi' na hwe ma', je ta taraju wet qui' hwe ta tata.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Atos 16:28

Ane merem mip con Paulo ne: Om na ta! Ta to' pa' pin xijem me. To wet to wet pi' pin urut ca' ira na ca merem nucun.

Atos 7:60

Pe torotop pe ac ca na, merem mip ac ca na: Taramaxicon ne. Ta mana' momon pain ca caracat nucucun me ta non. Merem ac i ma' iri na ne, mi' pin ac ca na.

Gálatas 6:10

Je ca tomi' xuhu' ca'. Ma' iri nana wari' co ximin nana ma' ne, quep xiho' ac xuxun tara, je cwerexi' mao tara. Oro win ma' nexi' co nari iri' cwa', pain ca howa wi xun Cristo cwa', wiricoco tatara co quep xiho' tamana iri' quem.

1 Tessalonicenses 5:15

Ma' tara xumuhu' con wari' co quep xiram nuhu' ma'. Ta win mapa' ne hun me. Xiram pa' pan e' xujuhu' pain ca ara mi' xujuhu' pain ca awi wa me. Tama' xiram pa' xujuhu' pain ca xere xujuhu' ma', tama' xiram pa' jujun oro wari' ma' quem.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.