Lucas 6:25 - Tradução Bíblica Pacaas Novos

²⁵ Wahu' pain ca ma'am hwe pain xocori ca', main maqui' tara xec nein ca ximin tamana xi' hwe. Xi pe' tamana xi' ara hwe ta. Wahu' pain ca tomi' querec te e' hwe pain xocori ca', main maqui' tara xec nein ca ximin tamana xi' hwe. Xi awaran tamana xi' ara hwe pain ca tomi' xaxa' nuhu' ta.

Lucas 6:25 Iomraidhean Croise

Lucas 12:20

Ac i ma' paxi' na ca coromicat nucun, ane tomi' ca' con Iri' Jam ne: Mi' pin ho' ra ta inem ta tamanain co om coromicat xo'. Mi' pin ho' ra pain xim ca'. Ma' xi wari' co cut tain nain oro caramajum ca an to xo' ta' ma ma' quem, ac i ma' na ca tomi' con ma'.

Lucas 13:28

Tomi' ac tococwa tara: Querec pira iri jun Abraão con Isaque con Jacó cocon oro profeta cara pane ne, querec pira iri jujun pain ca corom to cacain ca taramaxicon pe ca Iri' Jam ne, awaran tamana ac hwe tara, cacacao' ac hwein tara xuhu' pain ca jain jain tamana nuhu' quem. Xi narain ho' xun ara xihwe pain ca corom to wa ta. Hwet to cara ac hwe ma' tara ta.

Lucas 6:24

Wahu' pain ca caramaju hwe pain xocori ca' iri na ne, main maqui' tara xec nein ca ximin tamana xi' hwe. Xi wara ma' ara cuhu' carawa ca ja' tomi' querec te nuhu' pain xocori ca' quem.

Lucas 6:26

Wahu' pain ca awi na awi na pi' pin cucuhu' oro wari' pain xocori ca', main maqui' tara xec nein ca ximin tamana xi' hwe. Xi tomi' ac i ma' ara caca hwanana nucucun pain cara pane, pain ca awi nana awi nana qui' cocon oro profeta co tomi' hwet mixein e' nanain capijacon Iri' Jam pane ta na ca tomi' tococwa ma'.

Lucas 8:53

Tatam' tatam' pi' pin ac cocon na, tomi' ximama' nonon quem. Xi taxi' ara cacam pain ca mi' pin cama ta.

Efésios 5:4

Ta tomi' hwein caji topac me. Ta tomi' ximama' hwe me. Ta tomi' ximama' tatam' pin huhun oro wari' pain carawa ca om awi hwe ta. Om ca hohot ne i ma' pahu'. Ta ac i ma' hwe me. Tomi' querec te pan e' jun Iri' Jam pain oro carawa ca mi' cuhu' ma'.

1 Tessalonicenses 5:3

Maqui' ta' iri tara xec nucun ne, ca' ac ne tara ca coromicat nucucun: Om na xin carawa ca to' i'ina napari' ne? Om na wari' co mana' nanapari', hohot tamana napari' oro carawa, ac i ma' tara ca coromicat ximama' caca ma'. Ame hwe e', ane ane maqui' pa' ac cocon tara ca jain jain tamana wa pain ca wap xun tococwa. Win ne ca ane ane caxi cama narima' pain ca pan' ta' ca cawinacam ma', ac i ma' tara ca ane ane maqui' pa' cocon ca jain jain wa. Om ta witan ca' camain' cacain ta.

Tiago 4:9

Tomi' xaxa' tamana je pain ca pan teretem nuhu'. Awaran je, awaran xoc je. Tatam' maho' je, awaran e' je. Tomi' querec te ximama' maho' je, tomi' xaxa' e' je.

Apocalipse 3:17

Tomi' ac i ca' hwe: Caramaju urut, mija naparut oro carawa. Om na carawa ca om naparut, ma' ma' pi' pin naparut oro carawa ca param urut, ac i ma' paxi' na ca tomi' hwe ma'. Ane om querec pin' hwein ca ximin nuhu' ne. Xiram pa' inuhu' ta. Xi querec pin' xujuhu' pain ca om cuhu' iri' carawa ta. Om na tucuhu', om na womuhu' quem.