Lucas 6:21 - Tradução Bíblica Pacaas Novos

²¹ Wahu' pain ca pe' hwe pain xocori ca', param mi' nuhu' pain ca awi wa Iri' Jam. Xi maqui' ta' ara ne xec nein ca ma'am xi' hwe ta. Wahu' pain ca awaran hwe pain xocori ca', param mi' nuhu' pain ca awi wa Iri' Jam. Xi maqui' ta' ara ne xec nein ca tomi' querec te xi' hwe ta.

Lucas 6:21 Iomraidhean Croise

Mateus 5:4

Param mi' tata pain ca awi wa oro wari' co awaran nana pain xocori ca'. Wiricoco ara xi' nana co to' hwara' opa ca Iri' Jam pain ca tomi' xo' tococwa ma'. Ma' ta pi' pin ne ca tomi' xaxa' nucucun ta tata.

Mateus 5:6

Param mi' tata pain ca awi wa oro wari' co ac ca pe' caca na pain ca jain jain cacain ca awi nucun Iri' Jam ma', je pain ca tama' hohot xuxun Iri' Jam na caca ma'. Wiricoco ara xi' nana co mi' pan xun wawa pain ca hohot cocon ta.

Lucas 1:53

Oro wari' co pe' nana ma', xiram pa' ac tococwa na, to' ma'am ac tococwa na pain oro carawa ca awi. Oro xucucun wari' co caramaju nana ma' iri nana ne, om ca xiram pa' tococwa, in ca' xine tata, werem pa' e' nana.

Lucas 6:20

Noro ac tococwa na co taxipa' ca ma'. Tomi' ac tococwa na: Wahu' pain ca ximin hwe ma', param mi' nuhu' pain ca awi wa Iri' Jam. Xi wari' ne ara cuhu' pain ca taramaxicon pe ho' xim cuhu' ta.

Lucas 6:22

Wahu' pain ca noc cucuhu' oro wari' ma', pain ca howa mahu' pain ca Iri' Wari' ta' ca', wahu' pain ca xin hwerehwet cucuhu' pain ca cut in to xucucun ma', je pain ca tomi' xirac cucuhu' ma', je pain ca tomi' ximama' cucuhu' pain ca pan teretem hwe ta cucuhu' ma', ara ac i ma' iri nunuhu' pata' ne, param mi' nuhu' pain ca awi wa Iri' Jam ta.

Lucas 6:25

Wahu' pain ca ma'am hwe pain xocori ca', main maqui' tara xec nein ca ximin tamana xi' hwe. Xi pe' tamana xi' ara hwe ta. Wahu' pain ca tomi' querec te e' hwe pain xocori ca', main maqui' tara xec nein ca ximin tamana xi' hwe. Xi awaran tamana xi' ara hwe pain ca tomi' xaxa' nuhu' ta.

João 11:35

Aca xoc ac ca na Jeju.

João 4:10

Om na, mo xi querec pin' main carawa ca mi' xim quem Iri' Jam ca', mo xi querec pin' mapa' pain ca cam mi' ne pain com xim ca' quem, cam mi' ne pain com pan ac mapa' xira, mi' ac xim xira pain iri' com ca to' e' cara nain ca wari' wa ta ac cam na.

João 6:35

Om na, wata' co Iri' Capam' ca mi' nain ca e' cara wa ta. Win ne ca to' e' cuhu' capam' pain ca cao' hwein ma', ac i ma' ina pain ca to' e' cara xuhu' ca' quem ac tococwa na. Wari' co hwet napa' ma', wari' co howa napa' ma', om ta jain jain mami' cain oro caramaji macan' ca to' e' non ma'. Ac ca om cao' xita' na mami' ca tara, ac ca om toc xita' na mami' ca tara pain ca mi' pan ton pain carawa ca to' hohot non con Te ta.

1 Coríntios 4:11

Qui' urut pain oro carawa ca ara naparut ca' ira. Wara ximin urut pain cara pane, ximin ximin wet urut pain xocori ca' quem. Tama' pe' urut. Werewein taxipa' na womuxut. Quep em' nanaparut pain ca to' cacaparut pain micocon. Om taxipa' naparut xirim ca to xo' urut.

2 Coríntios 11:27

Taramaja tamana ina pane, jam' ina pain. Mija na xim ca om pi'am ta' quem. Pe' ina pain ca om capa' ca cao' wa, je pain ca om capa' ca toc wa quem. Ma' ho' ma' ho' napa' oro xec ca om cao' camain' ta' quem. Capin' ho' capin' ho' ina, xi ma' e' ara capa' caxicon wom ta.

2 Coríntios 12:10

Je ca tomi' querec te ta' pain ca om hwara' opa ne ca'. Tomi' querec te ina pain ca tomi' xirac cacapa' ca', je pain ca ximin ta' pain ca om capa' carawa ca', je pain ca quep em' cacapa' ca', je pain ca jain jain ta' pain oro ca to' i'ina napa' ca' quem. Ximin ac i ma' paxi' ina pain ca taramaja mi' ton Cristo cwa', ane tomi' querec te ta' ne. Om iri na ca hwara' opa pan ta' ne, je win hwara' opa ta' ta.

2 Coríntios 6:10

Ja' tomi' xaxa' paxi' nanaparut, ane tama' tomi' querec te urut ne. Ximin paxi' urut pain ca om caparut carawa ca', ac ca to' caramaju pin urut cocon na pain ca howa nucucun. Om paxi' naparut carawa ca', ane mene mene pi' pin urut pain oro carawa ne.

Tiago 1:12

Param mi' ta pain ca awi wa wari' co hwara' opa cara pain ca quereme cain oro ca to' i'ina non ma'. Querec pin' pan iri toron Iri' Jam ne, pain ca hohot mapa' ta con ma', mi' ac con pain tara carawa ca wara tomi' pe con ma', pain ca e' pe ho' cara ne ta con ma'. Wari' pain ca om noc xun ca', wara tomi' pe napari' pain i ma' ta.

Apocalipse 21:3

Taraju ac tain na ca tomi' wa ca maqui' nain ca mam' xao pe ca Iri' Jam. Tomi' mip ac i ca' na: Aram aram pe ho' pin toton nonon oro wari' Iri' Jam ta. Pe ho' pin toton nonon, wari' ne pin ac tococwa tara. Wirico Iri' Jam pan tara co pe ho' toton nonon, Iri' Jam ne pan ac cocon tara oro wari' nucun quem.

Apocalipse 7:16

Om ta pe' mami' caca, om ta toc xi' com mami' caca quem. Om ta jam' cocon xina, om ta xain camain' cocon xina.