Lucas 6:16 - Tradução Bíblica Pacaas Novos

¹⁶ Ma' ac ca na Judas panxica Tiago ma'. Ma' ac ca na Judas Iscariotes ma' quem. Wirico Judas Iscariotes co aram aram quep xiho' ton nonon co noc nonon Jeju ma', pain ca quep xun cocon ma', ame hwe e'. Ac i ma' nana co apóstolo je ca Jeju pane.

Lucas 6:16 Iomraidhean Croise

Mateus 10:3

Ma' ac ca na Filipe con Bartolomeu con Tomé ma'. Wata' quem, pain ca Mateus ta' ca'. Cut in taxipa' inain oro imposto ca pagar je tococwa oro wari' pane ira. Ma' ac ca na Tiago panxica Alfeu ma'. Ma' ac ca na Tadeu ma'.

Marcos 3:18

Ma' ac ca na André con Filipe con Bartolomeu con Mateus con Tomé ma'. Ma' ac ca na Tiago panxica Alfeu ma'. Ma' ac ca na Tadeu ma'. Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'.

Lucas 6:15

Ma' ac ca na Mateus con Tomé ma'. Ma' ac ca na Tiago panxica Alfeu ma'. Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'.

Lucas 6:17

Quiji' wi ac cocon na pain pacun ma', wirico Jeju, wiricoco co taxipa' ca ma' quem. Coco' to ac cacain na ca om tamaja nein ma' quem. Mija nana wari' co to nanain i ma'. Mija nana co wara taxipa' nonon, mija nana wari' co maqui' nanain oro xijein cidade pain Judeia, maqui' nanain Jerusalém, maqui' nanain cacarain iri' cote ne com pain Tiro je Sidom ma' quem. Om ca paric camain' caca.

João 14:22

Tomi' querec ac con na Judas ma', xucun Judas, om na Judas Iscariotes: Cain' cain' xima quem Taramaxicon ne? Para mi' e' xim maparut pain ca querec pin' urut pum pain iri' xumuxut quem? Je xi mi' momon pain ca querec pin' quequem oro xucucun wari' co om howa nenem quem na ca tomi' querec con ma'.

Judas 1:1

Judas ina pain ca xirao' mi' xuhu' ca'. Taramaja mi' inon Jeju Cristo. Aji' inon Tiago quem. Xirao' mi' inuhu' pain ca howa xine cuhu' Cotere' Iri' Jam, je pain ca om noc camain' cuhu', je pain ca querec wet xo' cuhu' Jeju Cristo ma' quem.