Lucas 6:13 - Tradução Bíblica Pacaas Novos

¹³ Xec pin iri na ne, harahap je ta ac tococwa na caram ma' co taxipa' nonon ma'. Tora' 12 ac tococwa na. Apóstolo je pain ca tomi' hwet huhun pain capija oro wari' ta ac tococwa na.

Lucas 6:13 Iomraidhean Croise

Mateus 10:2

Ma' 12 urut pain ca tomi' ac i ma' caparut Jeju ma', pain ca apóstolo je pain ca tomi' hwet huhun pain capija oro wari' ta caparut. Mo urut: Simão ma', co o naparut ma'. Pedro na xijein wixicon Simão ma'. Ma' ac ca na coxa' ca ma' quem, André ma'. Ma' ac ca na Tiago con coxa' ca João ma' quem. Mana panxica Zebedeu nana Tiago con João ma'.

Mateus 19:28

Ame hwe e' ac caparut na. Maqui' cain' tara xec nein ca quep xocori pin tain cain oro carawa pain macan' ta na Iri' Jam ca'. Xao pe ho' pin ac tain tara ca mam' xao pe ne pain ca taramaxicon pin ta' ta' ca'. Wata' pain ca Iri' Wari' ta' ca', taramaxicon hwara' opa pin ac ta' tara ta. Awi tamana tara ca taramaxicon ne. Taramaxicon wi ac mahu' tara quem. Wahu' pain ca taxipa' mahu' ma', xao to xao to xam' ac hwein tara ca mam' xao pe nucun taramaxicon. Ma' 12 tara ca mam' xao to nuhu' pain ca taramaxicon wi mahu'. Taramaxicon to ho' ac huhun tara waram winacocon mana panxica Israel cara pane, co ma' 12 nana cara pane. Tomi' iri'o' inuhu'.

Mateus 9:36

Querec iri tata oro wari' ne, xiram pa' ac tococwa na, xi ximin ara caca ta. Mija na carawa ca to' i'ina nonon. Om na wari' co quep xiho' nonon quem. An xiho' nanain ovelha ca om ma' camain' wari' co querec wet nain.

Marcos 6:30

In hwet ac cocon na Jeju oro apóstolo ma'. Tomi' hwet ac cocon na pain oro ca ara caca pain ca ca' na cocon pain capijacon Iri' Jam oro wari' ma' quem.

Marcos 6:7

Harahap je, tomi' xuhu' ta ac tococwa na co taxipa' ca ma', co ma' 12 nana ma'. Wawaran mama' je pain oro xijein macan' ta ac tococwa na. Mama' 2 mama' 2 xam' je pain ca hwet xun huhun oro wari' ma', pain ca cwirin' jein ca caracat nuhu' ta huhun ma'. Mi' inuhu' pain ca tomi' jein pin huhun oro caxicon jam ta na ca tomi' tococwa ma'.

Lucas 11:49

Je ca tomi' ca Iri' Jam co taxi' tamana ma', tomi' pe ca' na pahu' pane: Mam' toton cocon oro profeta cocon oro apóstolo co tomi' hwet toton nonon pain capija. Ma' ac caca tara co to' parapa' pin caca, ma' ac caca tara oro xucucun co ja' tequi' quep em' caca ma' quem, ac i ma' na ca tomi' pe ca Iri' Jam pahu' pane.

Lucas 22:30

Cao' querec te to ho' ac xijexi' tara pain ca taramaxicon pe ta' ta' cain. Xao to ac hwein tara ca mam' xao pe nucun taramaxicon, tomi' querec tomi' querec ac huhun tara pain oro ca ara nucucun waram winacocon mana panxica Israel cara pane, co ma' 12 nana cara pane na ca tomi' tococwa ma'.

Lucas 6:14

Mo nana co tora' ca ma': Simão ma', co wara o' ma' ni ca pane, pain ca Pedro pin ra ta con pane. Ma' ac ca na coxa' ca ma' quem, André ma'. Ma' ac ca na Tiago con João con Filipe con Bartolomeu ma'.

João 4:33

Ma' tara wari' co mi' non pain carawa ca cao' wa ra ac xujuxut na.

Atos 1:13

Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem.

Efésios 2:20

Ac ca quep cain xirim ara xi' na Iri' Jam. Oro apóstolo cocon oro profeta ma', ac oro pacun pain caximain xirim nana. Wari' pain ca howa xun Jeju cwa', ac oro pacun ca mam' quep cain Iri' Jam iri'. Jeju Cristo iri na ne, wirico co ac iri' cote ne pacun ca to' teren nain xirim pain caximain ma' quem.

Efésios 4:11

Wirico Cristo co mi' nain oro ca taramaja taxi' wa. Ma' nana co mi' wawa pain ca apóstolo wa pain ca tomi' hwet cacain capijacon Jeju. Ma' nana xucucun co mi' wawa pain ca profeta wa pain ca tomi' hwet cacain capijacon Iri' Jam quem. Ma' nana xucucun co mi' wawa pain ca evangelista wa, ma' ta tomi' hwet huhun oro wari' pain ca mi' pin caho' toton ta tata. Ma' nana xucucun co mi' wawa pain ca pastor wa pain ca ca' na wa capijacon Iri' Jam quem.

Hebreus 3:1

Je ca tomi' xuhu' ca' xere, pain ca wari' ne cuhu' Iri' Jam ma', je pain ca tora' cuhu' pain ca howa xine cuhu' ma' quem. Tomi' xim inuhu'. Mam' pe wet cara jun Jeju cwa', co tomi' hwet napari' pain ca tomi' nucun Iri' Jam cwa', co sacerdote co iri' taramaxicon cwa'. Wirico co howa iri' cwa'.

2 Pedro 3:2

Mam' pe wet jein ca tomi' nucucun oro profeta nucun Iri' Jam pane, pain ca tomi' pe cacain oro ca hwet pa' xim napari'. Mam' pe wet jein ca ara je capari' Taramaxicon nexi' co to' witan napari' cwa' quem, ca tomi' hwet urut pahu' pain ca apóstolo urut ca'.

Apocalipse 12:1

Hwet qui' ac ne na carawa pain pawin ma'. Wa wa tamana inain. Ac narima' na. Tomi' joc mam' mi' nain carawa ca maqui' ta' ma' quem. Cwere mam' pin nam xina, ac womicam na. Xat pe non panawo'. Pe nain caji waji' nucun taramaxicon ca ma' 12 ca pijo' pain winacam quem.

Apocalipse 18:20

Merem ac tococwa tara oro wari' nucun Iri' Jam: Wahu' pain ca to hwein pawin ma', tomi' querec te tamana je! Wahu' quem, pain ca wari' nucun Iri' Jam hwe ma', wahu' quem oro apóstolo cocon oro profeta ma' quem, tomi' querec te tamana je! Wap pin nonon oro wari' nein Babilônia Iri' Jam ma', wap pin nonon oro co an xiho' nanam caxicam narima'. Xi om ne ca quep em' ara cuhu' pane ta. Ac i ma' tara ca merem tococwa ma'.

Apocalipse 21:14

Ma' 12 na cote ne pacun ca to' teren nain caximain ca tao' caho' nein ma' quem. Iri' cote ne pacun pain oro caximain. Xirao' ta wixicocon oro apóstolo nucun co ma' co ac Wijimain Taramaji Ovelha ma', xirao' pe xirao' pe xam' ta pain oro cote ne pacun pain caximain.