Lucas 6:12 - Tradução Bíblica Pacaas Novos

¹² Om ca pain homa ne, mo tomi' ton Te ta ac ca na Jeju, mao ac cain na pacun. Tomi' ac con na, tomi' tomi' xec pa' ac con na quem.

Lucas 6:12 Iomraidhean Croise

Mateus 5:1

Mija nana wari' co ja' ja' nonon Jeju ma'. Querec iri tata ne, piri' mao ac cain na pacun, xao pe ac cain na tamain. Hwet iri nonon co taxipa' ca ne,

Mateus 6:6

Wum iri na ne, pain ca tomi' ton mon Iri' Jam ma', corom mao ac main tara man pain tequipain xirim ma', tao' pa' ac main tara manain, tomi' ac mon tara Cotere' co om querec wa. Taraju pa' ra e': Tomi' ton iri mon Iri' Jam pain ca xica' pe nem ne, om paxi' na ca querec quequem oro wari' cwa', ane querec pan quem Cotere' ne ta. Wirico tara co mi' nem pain oro ca awi wa quem.

Marcos 1:35

Xec pin ta' iri na ne, om ca xec querec ne, xim xim wet na, tequi' pe ac ca na Jeju. Hwet mao ac ca na, mao ac cain na ca om pe ca wari'. Momon tomi' ac con na Cote ca.

Marcos 3:13

Jeju ma', piri' mao ac cain na ca tamaja pan ne macan'. Harahap je ac tococwa na co param pan ca ma'. Hwet ac cocon na.

Marcos 6:46

Querec querec mama' iri nonon oro wari' Jeju ne, piri' mao ac cain na pacun. Tomi' ton Te ta na.

Lucas 5:16

Ane mao taxipa' cain ca om pe ca wari' Jeju ne. Tomi' tomi' ac con na Cote ca.

Lucas 6:11

Mana' tamana ac caca na caram ma' co tocojin' nonon ma'. Cain' cain' xuxun quem ac xucucun na.

Lucas 6:17

Quiji' wi ac cocon na pain pacun ma', wirico Jeju, wiricoco co taxipa' ca ma' quem. Coco' to ac cacain na ca om tamaja nein ma' quem. Mija nana wari' co to nanain i ma'. Mija nana co wara taxipa' nonon, mija nana wari' co maqui' nanain oro xijein cidade pain Judeia, maqui' nanain Jerusalém, maqui' nanain cacarain iri' cote ne com pain Tiro je Sidom ma' quem. Om ca paric camain' caca.

Lucas 9:18

Maqui' ac ne na xec nein ca tomi' con Cote ca Jeju ma'. Xica' pe na, ma' e' nana co taxipa' ca co to ho' nonon ma'. Om nonon xucun wari'. Tomi' querec ac tococwa na: Om ta cain' ca wari' ca ne cacapa' oro wari' ra? Cain' ca coromicat mi' cacapa' pain ca Iri' Wari' ta' ca' quem na ca tomi' tococwa ma'.

Lucas 9:28

Om ca pain homa ne, ac ca ma' 8 pin ne na xec pain ca wara tomi' xo' tococwa co taxipa' ca pain ca mi' pin ta' nucun ma', tomi' ton Iri' Jam ta ac ca na. Maji ta ac con na Pedro con João con Tiago ma', piri' mama' ac cacain na pacun.

Lucas 9:29

Tomi' ac con na Iri' Jam, tomi' tomi', jimao pin ac ne na tocon. Towo' tamana pin ac ca na womicon quem. Toc meremem na, an xiho' non comerem pain ca coc wein ca pain pawin ma'.

João 6:3

Piri' xi' e' ac caparut na, piri' mama' ac urut pain na ca tamaja pan ne macan'. Xao to ac urut na. Wirico Jeju ma', warut pain ca taxipa' urut con ca', xao to ac urut na.

Colossenses 4:2

Ta an pe camain' hwein ca tomi' hun Iri' Jam me. Ta coromicat ni ca' hun pain ca tomi' hun me. Tomi' querec te jun pain ca tomi' hun quem.

Hebreus 5:7

Pain ca pe pe wet cain macan' Jeju pane, tomi' non Cote ca. Merem na, merem mip na pain ca tomi' con ma'. Aca na quem. Xiram pa' ne me Te ac con na. Wum co to' witan taxi' ca' napa' pain ca mi' pin wa ca' ac con na. Ha' ac ca na quem, xi om ne ca xut xo' pan ara ca pain ca win xumu e' cain ca param nucun ta.