Lucas 5:8 - Tradução Bíblica Pacaas Novos

⁸ Querec iri nain i ma' Simão Pedro ne, pain ca cut tamana caca hwam ma', pe torotop mi' ac con na Jeju pain caximacon. In ca' ne ta Taramaxicon ne. Om ca na ne pain ca pe ho' cara mapa' ca', xi caracat taxipa' ara ta' ta na ca tomi' con ma'.

Lucas 5:8 Iomraidhean Croise

Mateus 17:6

Taraju iri nanain ca tomi' nucun Iri' Jam ne, jin' tamana ac caca na. Camara' tucu hwet mi' ac cacain na macan'.

Mateus 2:11

Xuruxut xuruxut, wara ca' na xirim ma', corom mama' ac caca na. Querec ac cocon na pije' cam jicon ma', Maria na. Pe torotop mi' querec te ac cocon na. Pa ac cacain na panaxicocon ca cut to cacain carawa nucucun ca awi tamana ma'. An hwet mi' ac cocon na pain carawa ca mi' querec te xun cocon ma'. Je ouro, je incenso, je mirra ma' quem, ac i ma' na oro carawa ca mi' querec te cocon Jeju pane.

Mateus 8:8

Om na ta Taramaxicon ne ac con na. Om ca ha' ne pain ca corom main xuru, xi awi ta' ta. Tomi' pira e' ron, xio tara ta e' ron. Xio pin ac ca tara.

Lucas 5:7

Weo ac cocon na oro win ma' caca ma', co to nanain wirain mam' horoho wa ma'. Ma' ta quep xiho' cacapari' ta nana. Pan ho hwet ac cocon na, cut ho' moin' ac cacain na mam' horoho wa con hwam ma', moin' moin' pi' pin na mam' horoho nucucun. Pan corom mama' xi' paxi' nana ira.

Lucas 5:9

Wa wa tamana na Pedro pain ca cut tamana caca hwam ma'. Wa wa nana oro win ma' ca co to ho' nonon pain mam' horoho nucun ma' quem. Cain' cain' xira con ne nana.

João 11:32

Hwet iri non Jeju Maria ne, querec iri non ne, pe torotop mi' ac con na pain caximacon. Taramaxicon ne ac con na. Mo xi pe main i ca' pane, om xi mi' pin ca xa' ta non.

1 Coríntios 13:12

Ac i ma' iri' con Iri' Jam quem. Om om wet na ca querec pin' xo' xun pain xocori ca'. Ac ca querec e' xin na jamicon pain ca mam' querec ca jamu wa ca om awi ca', querec tocohon na jamicon, ac je paxi' na pain ca om querec xo' xun Iri' Jam pain xocori ca' quem. Ame hwe e', main maqui' tara xec nein ca querec xo' xun quem. Win quima xun, querec xin iri' tocon. Querec pin' wijimain e' urun pain xocori ca'. Ame hwe e', main maqui' tara xec nein ca querec pin' xo' xun. Win ne ca querec pin' pan capari' pain xocori ca', main querec pin' ac i ma' xun quem.

Apocalipse 1:17

Querec iri inon ne, pan' hwet ac ton na pain caximacon. Ac wari' co mi' pin ma' ina pain ca pan' hwet ton pain caximacon. Quep ac capa' na pain micon ma', pain iri' curucun ma'. Tomi' ac capa' na: Ta jin' mapa' me ta. Wata' co ma' cain' pane, pain ca om om wet ne oro carawa pane. Wata' co ma' cara ta' ma' quem, pain ca win pi' pin ta' ne oro carawa quem.