Lucas 5:7 - Tradução Bíblica Pacaas Novos

⁷ Weo ac cocon na oro win ma' caca ma', co to nanain wirain mam' horoho wa ma'. Ma' ta quep xiho' cacapari' ta nana. Pan ho hwet ac cocon na, cut ho' moin' ac cacain na mam' horoho wa con hwam ma', moin' moin' pi' pin na mam' horoho nucucun. Pan corom mama' xi' paxi' nana ira.

Lucas 5:7 Iomraidhean Croise

Marcos 4:36

Mama' urut ta ac tococwa na oro wari' ma', piton to ac cacain na mam' horoho wa ma', ca wara xao pe pe ca Jeju ma'. Pan horoho mama' ac caca na. Ma' nana wari' co ja' ja' xun nonon quem, pan horoho ni nanain oro wirain mam' horoho wa ma'.

Lucas 5:6

Xin iri nanain caji wi ne, cut tamana ac caca na hwam. Mija na, om ca paric camain' ca. Werewein pin ta' paxi' na caji wi ca mam' pa' caca ma'.

Lucas 5:8

Querec iri nain i ma' Simão Pedro ne, pain ca cut tamana caca hwam ma', pe torotop mi' ac con na Jeju pain caximacon. In ca' ne ta Taramaxicon ne. Om ca na ne pain ca pe ho' cara mapa' ca', xi caracat taxipa' ara ta' ta na ca tomi' con ma'.

Atos 11:25

Pirao' ton Saulo ta ac ca na Barnabé ma', mao ac cain na Tarso. Je i ma' cidade nucun Saulo cara pane.

Gálatas 6:2

Ma' iri tara carawa ca to' i'ina nuhu' ne, quep xiho' caracan ac xujuhu' tara. Quep xiho' ac i ma' iri xujuhu' ne, tomi' ha' hwein ca tomi' nucun Cristo.

Filipenses 4:3

Wum co taramaja wi taxipa' napa' pain ca taramaja ne pane, tomi' xim inem quem. Quep xiho' raram, ma' ta tomi' querec te mami' xequequem. Xi wara quep xiho' tamana ara cacapa' pain ca taramaja ne pane ta. Wiricacam, wirico Clemente, wiricoco oro xucucun co quep xiho' nanapa' pane, pain ca pijim' hwet tain capijacon Iri' Jam con Jeju pane, xirao' to ta wixicacam pain tapari carawa ca xirao' to xine wixicocon oro co e' cara xi' nana quem.