Lucas 5:6 - Tradução Bíblica Pacaas Novos

⁶ Xin iri nanain caji wi ne, cut tamana ac caca na hwam. Mija na, om ca paric camain' ca. Werewein pin ta' paxi' na caji wi ca mam' pa' caca ma'.

Lucas 5:6 Iomraidhean Croise

Lucas 5:7

Weo ac cocon na oro win ma' caca ma', co to nanain wirain mam' horoho wa ma'. Ma' ta quep xiho' cacapari' ta nana. Pan ho hwet ac cocon na, cut ho' moin' ac cacain na mam' horoho wa con hwam ma', moin' moin' pi' pin na mam' horoho nucucun. Pan corom mama' xi' paxi' nana ira.

Atos 2:41

Mija nana wari' co howa nanain ca pijim' nucun Pedro. Ja' ac tococwa na pain com. Mija nana. Ac ca 3.000 caca na. Je i ma' xec nein ca jao jao ma' pin cocon oro wari' co howa nonon Jeju pane.

Atos 4:4

Ane howa mija caca co taraju nanain ca pijim' nucun Pedro con João ne. Mija pin nana co howa nonon Jeju. Ac ca hwet pin nein na ca 5.000 nucucun pain ca tarama' nucucun.

1 Coríntios 15:58

Je ca tomi' xuhu' pain ca tomi' querec te xuhu' ca' xere: Hwara' opa cara je. Howa cara jun Taramaxicon nexi', ta an to camain' hwein ca howa wa me. Tama' taramaja mi' jun quem, win xumu jein ca taramaja nuhu' con. Xi taxi' ara hwein i ca' ta: Taramaja mi' xun iri hun Taramaxicon nexi' ne, om ta taramaja ximama' hwe ta.

Gálatas 6:9

Om ta horoman capari' ca quep xiho' caracan xijexi' pain ca ara mi' xijexi' pain ca awi wa ta. Mo ta om naro iri' pain, mo ta ara mi' ara mi' tiquin' xijexi' pain, main cut ac xin tara carawa ca mi' xim capari' Iri' Jam.