Lucas 5:5 - Tradução Bíblica Pacaas Novos

⁵ Xin towa urut pain caji wi nuxut quem Taramaxicon co ca' na taxipa' capijacon Iri' Jam ac con na Simão. Mija urut, xec pa' e' naparut pain ca xin xin urut pain caji wi. Om ca cut camain' urut con hwam ta non. Ane tomi' pan ma ma' ne. Xin mao ta' pain com caji wi ta ac con na.

Lucas 5:5 Iomraidhean Croise

Lucas 17:13

Merem mip ac caca na: Jeju. Taramaxicon co ca' na taxipa' capijacon Iri' Jam nana. Xiram pa' xut na ca merem mip caca ma'.

Lucas 8:24

Ho' querec xun ta ac cocon na co taxipa' ca ma', ho' querec ac cocon na quem. Taramaxicon co ca' na taxipa' capijacon Iri' Jam! Cono' pin xi' urut ta Taramaxicon nuxut na ca merem cocon ma'. Querec ac ca na, tequi' pe ac ca na, tomi' in pin ac cain na camana' pain ca wap tamana nein com ma'. Nuru nuru om pin ac ne na camana', wap wap om pin ac ne na com quem. Tacana pe tacana pe pi' pin ac ne na.

Lucas 8:45

Ma' co quep napa' quem ac ca na Jeju. Om ina, om ca quep xim ta nana oro wari' ma', tomi' ac i ma' tomi' ac i ma' pi' pin nana. Je ca tomi' pan con Pedro ma': Cain' cain' xima quem Taramaxicon co ca' na taxipa' capijacon Iri' Jam? Mija nana wari' co xao xao nenem cwa' non.

Lucas 9:33

In mama' xi' iri nana ne, tomi' ac con na Jeju Pedro. Awi na pain ca to xin i ca' quem Taramaxicon co ca' na taxipa' capijacon Iri' Jam. Quep 3 xut pain wijimain xirim. Mene rain wirain. Mene tarain wirain Moisés ma'. Mene tarain wirain Elias ma' quem na ca tomi' nucun. (Tomi' ximao na Pedro, xi coromicat xo' ca ta.)

Lucas 9:49

Tomi' ac con na Jeju João: Taramaxicon co ca' na taxipa' capijacon Iri' Jam. Querec urut con wari' co tomi' jein pin nonon oro caxicon jam. Wirico Jeju co tomi' jein pin roron ta napa' cocon ta na. Tomi' in pin paxi' urut con, xi win ma' ne capari' ta na ca tomi' con ma'.

João 15:14

Mo ta tomi' ha' mahu' pain oro ca ara je xuhu' ca', querec pin' ac xihwe tara pain ca win ma' ne mahu' ma'.

João 2:5

Tomi' ac cama na, tomi' pan tata co taramaja mi' e' nonon co an tam narima' ma': Tomi' ha' jun pain oro ca ara je cuhu' ma' tata.

João 21:3

Pa' ta' hwam ina ta ac caparut na Simão Pedro. Warut quem, hwet xut pum ta ac urut con na, mama' mama' pi' pin ac urut na, piri' to ac urut pain na mam' horoho wa ma'. Pa' towa xi' paxi' urut, ane om pa' camain' urut ne.