Lucas 5:4 - Tradução Bíblica Pacaas Novos

⁴ Pi' pin iri na ca tomi' nucun ne, tomi' ac con na Simão: Pan ho mao ra pain ca xopain ne com ma' ta ac con na. Wahu' quem, pa' je hwam quem ac tococwa na oro win ma' ca ma'. Xin mao je pain com caji wi ca mam' pa' wa hwam ta ac tococwa na.

Lucas 5:4 Iomraidhean Croise

Mateus 17:27

Om xi pagar jein capari' pain ca iri' win ma' ne xun Iri' Jam quem. Ane hohot ne pain ca pagar pan xin ne. Ma' ta om mana' cacapari' co pagar jein nanapari' ma'. Je ca tomi' xim ca' Pedro ac con na. Mao rain com cain. Xin rain macori pi nem ma', quep ac mon tara hwam co cao' cain' nain puxum ma'. Pa iri rain capijacon ne, mam' ac main tara moeda pain capijacon. Ma' 4 tara dracma nein. Mao ac main i cain tara, pagar ac main tara imposto ne, pagar ac main tara imposto nem ma' quem na ca tomi' con Pedro Jeju pane.

Lucas 5:5

Xin towa urut pain caji wi nuxut quem Taramaxicon co ca' na taxipa' capijacon Iri' Jam ac con na Simão. Mija urut, xec pa' e' naparut pain ca xin xin urut pain caji wi. Om ca cut camain' urut con hwam ta non. Ane tomi' pan ma ma' ne. Xin mao ta' pain com caji wi ta ac con na.

João 21:6

Xin mao jein pain xijein caxi ma', pain iri' cwerein mam' horoho nuhu' ma'. Cut ac hun tara ta ac caparut na. Xin ac urut pain na. Mija na hwam ta. Om ca cuc na caparut pain ca cut piri' xut con pain mam' horoho nuxut.