Lucas 5:35 - Tradução Bíblica Pacaas Novos

³⁵ Ame hwe e', main maqui' tara xec nein ca an ca' tococwa con. Je tara oro xec nein ca an to pin cacain ca cao' wa con na ca tomi' tococwa ma'.

Lucas 5:35 Iomraidhean Croise

Mateus 9:15

Om na, noro jujun oro wari' co tomi' querec te xucucun pain ca an tam narima' ca win ma' nucucun ma' ac tococwa na. Ma' tara ca tomi' xaxa' ac caca pain ca pe ho' pe ho' wet cocon win ma' nucucun co an tam nam narima' ra? Om ca an to ac cacain, xi tomi' querec te ara caca ta. Ame hwe e', main maqui' tara oro xec nein ca an ca' tococwa con, an to pin ac cacain tara ca cao' wa con ac i ma' na ca tomi' tococwa ma'.

Marcos 2:20

Ame hwe e', main maqui' tara oro xec nein ca an ca' tococwa con. Je tara oro xec nein ca an to pin cacain ca cao' wa con na ca tomi' tococwa ma'.

Lucas 17:22

Tomi' ac tococwa na co taxipa' ca ma': Main maqui' tara oro xec pain ca coromicat xim mahu' pain ca Iri' Wari' ta' ca'. Wara maqui' xira na urut pain xec nein ca querec xim urut pum pain ca Taramaxicon pin ta' ma ma', ac i ma' paxi' tara ca jain jain xim mahu'. Ane om maqui' hap ta' ne xec nein ca Taramaxicon pin ta' ta' ne.

Lucas 5:34

Om na, noro jujun oro wari' co tomi' querec te xucucun pain ca an tam narima' ca win ma' nucucun ma' ac tococwa na. Ma' tara ca tomi' in pin ac huhun pain ca cao' wa pain ca pe ho' pe ho' wet cocon win ma' nucucun quem? Om ca an to ac cacain, xi tomi' querec te ara caca ta.

Lucas 5:36

Pijim' joc mam' mi' ac tococwa na con wom pain ca om oc tacan mi' ac tocwa con wara wom con xocoricon pawiricon ma' quem. Pijim' ca' tata: Noro jun wari' co wein na wara womicon ma'. I' toron xocoricon wom pain ca oc tacan mi' ton con wara womicon ra? Om na. Mo ta i' con xocoricon wom ma', to' em' pin ac con tara. Om ta hohot con wara wom pawiricon xocoricon ma' quem. Xi an xiho' con ta.

João 12:8

Tama' ma' ara xi' nunuhu' oro wari' co om nonon carawa quem. To ho' cara tuturuhu' pa'ao'. Wata' iri na ne, om ta pe ho' cara xuhu' ta na ca tomi' ca ma'.

João 13:33

Pe ho' wijimain ca' e' xuhu' ta hwijima' ac caparut na. Pirao' xun paxi' mahu'. Om ta hwet ac mahu' pain ca mao ta' ta' quem. Win ne ca wara tomi' xo' toton oro taramaxicon nexi' pain ca judeu iri' pane. Tomi' ac i ma' inuhu' pain xocori ca' quem.

João 16:28

Maqui' inon Te pain ca maqui' tain macan' pane. Paca' ho' tain ina quem. In hwet ac ton tara Te na ca tomi' caparut ma'.

Atos 1:9

Tomi' pin iri nain i ma' ne, an piri' mao ac tocwa na. Querec nana co taxipa' ca pain ca an piri' mao tocwa ma'. Piri' piri' tatep pa' ac con na tajain nanawin. Querec querec om pin ac cocon na.

Atos 14:23

Ma' iri nana co howa nonon Jeju pain oro xijein cidade ca mama' caca ne, tora' mi' ac tococwa na cocon co querec wet nonon pain ca cut in xucucun ma'. Xuruxut tiquin' xi' urut iri nana ne, tomi' mam' xun Iri' Jam ta ac tococwa na. An to nanain ca cao' wa pain, tomi' mi' ac tococwa na con Taramaxicon nexi'. Querec wet roron caram cwa' co howa nenem cwa' nana.

Atos 3:21

Na e' na pain ca mon to wet cain pawin pain xocori ca'. Mon to wet mon to wet ca' tara, maqui' pa' ac con tara oro xec nein ca quep xocori pin tain cain oro carawa Iri' Jam. Win ne ca wara tomi' pe ca pain cara pane, pain ca tomi' hwet jujun pain ca tomi' ne oro wari' ta tococwa oro profeta nucun pane.

1 Coríntios 7:5

Je ca tomi' xuhu' ca': Ta narain ho' xujuhu' pain me ta. Miri'om e' xujuhu' pain ca tomi' xo' cain' xujuhu' pain ca momon tomi' e' xun Iri' Jam ta hwe ma', mo ta tomi' ca' xujuhu': Om ta quep mami' xijexi' pain xocori ca'. Paric ca' e' tara xec nein ca om quep xijexi', ma' ta momon tomi' e' xun Iri' Jam ta je. Pi' pin iri tara oro xec nein ca tomi' hun Iri' Jam ne, in hwet ac xujuhu' tara, quep mami' ac xujuhu' tara quem. Ma' ta om tomi' querec cuhu' Caxicon Jam pain ca to' i'ina xujuhu' pain ca param nuhu' ma'.

2 Coríntios 11:27

Taramaja tamana ina pane, jam' ina pain. Mija na xim ca om pi'am ta' quem. Pe' ina pain ca om capa' ca cao' wa, je pain ca om capa' ca toc wa quem. Ma' ho' ma' ho' napa' oro xec ca om cao' camain' ta' quem. Capin' ho' capin' ho' ina, xi ma' e' ara capa' caxicon wom ta.