Lucas 5:30 - Tradução Bíblica Pacaas Novos

³⁰ Ane om querec hohot cocon oro fariseu cocon oro win ma' caca co ca' na taxipa' nanain ca xirao' nucun Moisés ma' ne. Tomi' ximama' ac cocon na co taxipa' ca Jeju: Para cao' to ho' huhun co cut in taxipa' nanain oro imposto ma'? Para cao' to ho' huhun oro caracat ma' quem? Para toc to ho' huhun ma' quem na ca tomi' querec cocon ma'.

Lucas 5:30 Iomraidhean Croise

Mateus 5:46

Je ca tomi' xuhu' ca': Mo ta om noc e' huhun oro wari' co om noc nunuhu' ma'. Cain' cain' xuruhu' Iri' Jam pain i ma' quem? Mi' turuhu' pain oro ca awi wa pain ca om noc e' huhun co om noc nunuhu' ma' ra? Om na. Ac i ma' ara xi' nana oro caxicon wari' co an xiho' nonon co cut in taxipa' nanain oro imposto ca pagar je tococwa oro wari' ma'. Om ca noc cocon co om noc pan nonon.

Mateus 9:11

Querec iri nanaparut oro fariseu ma' ne, pain ca cao' to ho' urut cocon oro caracat ma', tomi' querec ac cacaparut pain ca taxipa' urut con Jeju. Cain' cain' xira co ma' co ca' na nuhu' pain capijacon Iri' Jam ma' quem? Para cao' pe ho' cocon co cut in taxipa' nanain oro imposto ca pagar je cacapari' oro taramaxicon quem? Para cao' pe ho' cocon oro caracat ma' quem na ca tomi' cacaparut ma'.

Marcos 2:16

Querec iri nonon oro fariseu co ca' na taxipa' nanain ca xirao' nucun Moisés ma' ne. Querec iri nonon pain ca cao' pe ho' cocon oro caracat ne, co hwet taxipa' wixicocon ma', cocon co cut in taxipa' nanain oro imposto ma', tomi' querec ac cocon na co taxipa' ca ma': Cain' cain' xira co ma' co ca' na taxipa' nuhu' pain capijacon Iri' Jam ma' quem? Para cao' pe ho' cocon co cut in taxipa' nanain oro imposto ma'? Para cao' pe ho' cocon oro caracat ma' quem na ca tomi' cocon ma'.

Marcos 7:3

Ac i ma' taxipa' nana oro fariseu cocon oro judeu ma'. Cao' xi' iri nana ne, hohoc xo' mam' ac cacain na micocon, ma' ta om em' iri' ta nana. Hohoc xo' iri nanain ne, cao' ac caca na. Ac i ma' na ca tomi' ha' cocon hwanana nucucun co taramaxicon nana pain cara pane, je curucucun mao na.

Marcos 9:16

Ma' ca tomi' caracan xujuhu' ma' quem ac tococwa na.

Lucas 18:11

Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.

Lucas 19:7

Oro wari' co querec nonon Jeju pain ca hwet con Zaqueu ma', tomi' ximama' tomi' ximama' pi' pin ac caca na. Cain' cain' xira quem? Pe ho' a xiron co caracat ta nana.

Lucas 5:17

Maqui' ac ne na xec pain ca ca' na tococwa pain capijacon Iri' Jam oro wari'. Pain ca ca' na tococwa ma', taraju nana oro fariseu cocon oro co ca' na taxipa' nanain ca xirao' nucun Moisés ma' quem. Maqui' nanain oro ca paric to ne xirim pain Galileia, je pain Judeia, maqui' nanain Jerusalém quem. Xao to to nanain i ma'. Jeju ma', pe ho' non ca hwara' opa nucun Iri' Jam quem. Je ca ha' con pain ca quep xio pin cocon oro wari' co caxi nana ma'.

Lucas 5:21

Coromicat ximama' ac caca na oro fariseu cocon oro co ca' na taxipa' nanain ca xirao' nucun Moisés: Cain' cain' xira con ne? Para tomi' ac i ma' ca ma' quem? Iri' Jam ina xi' ma na ron? Xi xic am pin taxi' cain ca caracat wa ca wari' wa ta! Xica' pe na Iri' Jam co xic am pin taxi' nain ca caracat wa ta na ca coromicat ximama' nucucun.

Lucas 7:34

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

Atos 23:9

Mija na ca teretem caca pain ca tomi' caracan xucucun. Ca teretem caca ma', ca teretem caca ma', tequi' to ac caca na co ca' na taxipa' nanain ca xirao' nucun Moisés. Fariseu nana. Tomi' mip ac caca na: Om ca mam' camain' urut pain ca pan tem wa con co cwa' ta! Am iri'o' ne ca tomi' nucun, am tomi' con jam, am jam co taramaja mi' non Iri' Jam ca con, am wirico co tomi' non pane, ac i ma' na ca tomi' caca ma'.