Lucas 5:24 - Tradução Bíblica Pacaas Novos

²⁴ Je ca tomi' xuhu' ca' ac tococwa na. Tomi' ton. Ma' ta taxi' mahu' pain ca mi' capa' pain ca hwara' opa wa Iri' Jam ta. Tomi' napa' pain ca Iri' Wari' ta' ca', xic am pin rain ca caracat nucucun oro wari' co to nanain oro xijein macan' ta napa'. Tomi' ac con na co carama pe: Tequi' pe ra. An rain witam ca mam' terem' pe ma ma'. Mao rain xurum ta na ca tomi' con co carama pe ma'.

Lucas 5:24 Iomraidhean Croise

Mateus 16:13

Mama' xin oro cidade ca to ja' pan nain Cesareia Filipe cain ta ac ca na Jeju, xuruxut mama' ac urut na quem. Tan' mama' iri urut ne, tomi' querec ac caparut na pain ca taxipa' urut con ca'. Om ta cain' ca wari' ca ne cacapa' oro wari' ra? Cain' ca coromicat mi' cacapa' pain ca Iri' Wari' ta' quem naparut.

Mateus 25:31

Wata' pain ca Iri' Wari' ta' ca', in qui' ta' ina ta ac caparut na. Mam' maqui' ta' pain ca hwara' opa ne. Maqui' wi ta' cocon oro jam co taramaja mi' nanapa' quem. Maqui' ta' iri ta' ne, xao pe ac tain tara iri' ca mam' xao pe nucun taramaxicon, iri' taramaxicon pin ac ta' tara ta.

Mateus 26:64

Wata' cwa' ira. Win ne ca tomi' pan ma ma' ac ca na Jeju. Ane tomi' tomi' pi' pin xuhu' pain i ca' ne. Main maqui' tara xec nein ca querec xim mahu' pain ca xao pe ho' ton Iri' Jam co hwara' opa pan. Wata' pain ca Iri' Wari' ta' ca', querec ac mahu' tara pain ca xao pe ho' tain iri' curucun pain i cain. Querec ac mahu' tara pain ca maqui' wi ta' pain tajain nanawin quem ta na ca tomi' con ma'.

Mateus 28:18

Xut hwet ac caparut na, tomi' ac caparut na: Mi' napa' pain ca taramaxicon wa Te Iri' Jam. Taramaxicon pe pi' pin rain pawin je macan' ta napa'.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Mateus 9:6

Je ca tomi' xuhu' ca' ac tococwa na. Tomi' ton. Ma' ta taxi' mahu' pain ca mi' capa' pain ca hwara' opa wa Iri' Jam ta. Tomi' napa' pain ca Iri' Wari' ta' ca', xic am pin rain ca caracat nucucun oro wari' co to nanain oro xijein macan' ta napa'. Tomi' ac con na co carama pe: Tequi' pe ra. An rain witam ca mam' terem' pe ma ma'. Mao rain xurum ta na ca tomi' con ma'.

Lucas 5:13

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin ac con na caji nan.

Lucas 5:18

Maqui' ac caca na wari' co an mamam' nonon wari' co carama pe. Terem' pe nain witacon. Ma' 4 nana co an mamam' nonon ma'. An mamam' corom mao xun pain xirim paxi' nonon ira. Ma' ta an terem' pe mi' xun con Jeju ta nana.

Lucas 5:23

I'ina xirapa' pain ca xic am pin tain ca caracat nem ton co carama pe cwa' ra? I'ina xirapa' pain ca tequi' pe ra ta, xut ra ta ton ra? Cain' xi i'ina ac capa' quem?

Lucas 7:14

Wixicam pin ac cam na, quep ac cain na pana ca an terem' pe tocwa cawinacam. Coco' ac caca na co an mamam' nanain ma' quem. Tomi' inem ta arain. Tequi' pe ra ta na ca tomi' con ma'.

Lucas 8:54

Ane quep cam pain micam ne. Tomi' ac ca na: Tequi' pe ra ta pije' na ca tomi' cam ma'.

João 11:43

Tomi' iri non ne, merem ac ca na, merem mip na: Hwet qui' ra ta Lázaro na ca merem mip ca ma'.

João 17:2

Xi mi' ara mapa' pain ca taramaxicon pe ho' toton oro wari' ta. Ma' ta mi' momon pain ca e' cara to ho' quequem oro wari' co mi' xim cwa' mapa' pane.

João 3:13

Om ca ma' camain' ca xucun wari' co piri' mao nain pawin ta ac con na. Xica' pe ina pain ca Iri' Wari' ta' ca', xica' pe ina pain ca piri' mao tain pawin cain. Xi quiji' qui' ara tain i cain ta non.

João 5:27

Ac juiz ra cocon oro wari' ta napa', tomi' querec roron pain oro carawa ca ara caca napa'. Am em' caca, am om em' caca, taxi' pin ac momon tara ta napa' quem. Xi wata' ara ne co Iri' Wari' cwa' ta na ca tomi' tococwa ma'.

Atos 14:10

Tomi' ac con na, tomi' mip non: Tequi' pe ra e', ac i ma' na ca tomi' mip con ma'. Tequi' pe hap ac ca na, xut pin ac ca na quem.

Atos 5:31

Mi' ac con na pain ca xao pe ho' ne pain iri' cwere ca' con. Mi' non pain ca to' witan xim capari' ca' quem. Ma' ta cwirin' pin hwe pain ca wari' nein Israel hwe ma' napari', ma' ta xic am pin tain ca caracat nuhu' ta napari' quem.

Atos 9:34

Tomi' pan ac con na Pedro: Quep xio pin nem Jeju Cristo ta Eneias. Tequi' pe ra ta. An pe xo' rain witam ma' na ca tomi' con ma'. Tequi' pe hap pin ac ca na.

Atos 9:40

Hwerehwet ca' jein man ca' ac cacam na Pedro. Hwerehwet mama' hwerehwet mama' pi' pin iri nana ne, pe torotop pe ac ca na. Tomi' ac con na Iri' Jam. Xin in hwet ac cam na, tomi' ac cam na: Tequi' pe ra e' ta Tabita nam. Querec ac cama na. Querec iri non Pedro ne, xao pe ac cama na.

Apocalipse 1:13

Ximija pe nain oro naran wari' ma'. Ac wari' paxi' na. Pe non cote ca wom co hwet nain caximacon. Tucu pan xucun pain quimacon, mam' quep ta pain ouro ca mam' tucu pan xucun ma'.