Lucas 5:22 - Tradução Bíblica Pacaas Novos

²² Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

Lucas 5:22 Iomraidhean Croise

Mateus 12:15

Taxi' nonon oro fariseu Jeju quem. Taxi' nonon pain ca to' pa' pin xun cocon ma'. Je ca mao ni ca' tococwa ma'. Ja' ja' ac cocon na oro wari'. Mija nana co ja' ja' nonon. Quep xio quep xio xam' ac tococwa na quem.

Mateus 12:25

Taxi' nain ca coromicat nucucun Jeju quem. Tomi' ac tococwa na: Noro jujun oro wari' co to ho' xucucun pain macaracocon ma'. Mo ta mana' caracan xucucun, to' quiji' pin ac xucucun na, om pin ac caca na quem. Ac i ma' nana oro wari' co to ho' xucucun pain cidade nucucun ma', wiricoco co nari xucucun ma' quem. To ho' paxi' xucucun, nari paxi' xucucun. Mo ta mana' caracan xucucun, noc pin ac xucucun na, to ho' to ho' om pin ac xucucun na quem.

Mateus 9:4

Ane taxi' cocon Jeju ne, taxi' pan nonon pain ca coromicat nucucun. Tomi' ac tococwa na: Para coromicat ac i ma' hwe pain xumuhu' ma' quem? Om ca awi camain' ne ca coromicat nuhu' ta.

Marcos 8:17

Taxi' pan nonon Jeju quem, taxi' tata pain ca tomi' ac i ma' xucucun. Para tomi' ac i ma' xujuhu' pain ca om cuhu' capam' ma' quem ac tococwa na. Om ca taraju pa' querec hwe ra? Om ca querec pin' querec mahu' pain iri' ca hwara' opa tamana ne ra pain ca mi' pan capa' pain ca to' hwara' pin tain capam' Iri' Jam quem. Opain na xumuhu' ra?

Lucas 24:38

Tomi' ac tococwa na: Para toron ne xumuhu' ma'? Para tara con ta'a mahu' pain ca e' mami' ta' ca' quem tata.

Lucas 5:21

Coromicat ximama' ac caca na oro fariseu cocon oro co ca' na taxipa' nanain ca xirao' nucun Moisés: Cain' cain' xira con ne? Para tomi' ac i ma' ca ma' quem? Iri' Jam ina xi' ma na ron? Xi xic am pin taxi' cain ca caracat wa ca wari' wa ta! Xica' pe na Iri' Jam co xic am pin taxi' nain ca caracat wa ta na ca coromicat ximama' nucucun.

Lucas 5:23

I'ina xirapa' pain ca xic am pin tain ca caracat nem ton co carama pe cwa' ra? I'ina xirapa' pain ca tequi' pe ra ta, xut ra ta ton ra? Cain' xi i'ina ac capa' quem?

Atos 5:3

Tomi' querec pan ac con na Pedro: Para om ari mon Caxicon Jam pain ca quep mip xim quem ma', pain ca mixein rain Tamataracon Iri' Jam quem ma' Ananias? Xi pe ho' cara ara quem tamain dinheiro ca cut ma pain macaram ta.

Hebreus 4:12

Oro capijacon Iri' Jam ma', ac ca e' ne ara xi' na. Meo napari'. Hwara' opa na. An xiho' paxi' nain cote ne quit ca ma' 2 quirinain ma', ca xa xa pi' ma'. Ane xa mip pan ne capijacon Iri' Jam ne. Ac ca wac corom capari' na. Ac ca hwet nein na iri' ximixi' pain tamataraxi' je pain oro ca param nexi' ca'. Ac ca hwet nein na oro ca coromicat nexi' pain ximixi'. An hwet mi' napari' pain ca coromicat nucun pain ca coromicat mi' pan capari' pain oro ca param nexi' je pain oro ca coromicat nexi' ca' quem.

Apocalipse 2:23

To' parapa' pin toton oro co an xiho' nanam ma', co ac humaxicam nana ma'. Querec pin' ac cacapa' tara oro co howa nana ma', pain ca cut in xucucun pain oro cidade ma', querec pin' tatarapa' pain ca taxi' tain oro ca coromicat nucucun oro wari' ma', je pain ca taxi' tain oro ca param nucucun ma' quem. Wahu' pain ca pan teretem hwe ma', wap wap xam' xuhu'. Win hwe pane xuhu', win ne ca ara ara hwe pane xuhu', ac i ma' tara ca wap xuhu' ta.