Lucas 5:21 - Tradução Bíblica Pacaas Novos

²¹ Coromicat ximama' ac caca na oro fariseu cocon oro co ca' na taxipa' nanain ca xirao' nucun Moisés: Cain' cain' xira con ne? Para tomi' ac i ma' ca ma' quem? Iri' Jam ina xi' ma na ron? Xi xic am pin taxi' cain ca caracat wa ca wari' wa ta! Xica' pe na Iri' Jam co xic am pin taxi' nain ca caracat wa ta na ca coromicat ximama' nucucun.

Lucas 5:21 Iomraidhean Croise

Mateus 26:65

Taraju iri nain ca tomi' nucun Jeju sacerdote co iri' taramaxicon ma' ne, i' pin ac con na womicon. Xi mana' tamana ara ca ta. Tomi' ximao non Iri' Jam co cwa' ta. Je xi om tomi' hwet jein ca em' nucun co cwa' mami' xuxun oro wari' cwa' quem? Taraju pin iri hun pain ca tomi' ximao nucun ma', pain ca wata' co Cristo ta ca ma'.

Mateus 9:3

To nanain i ma' oro co ca' na taxipa' nanain ca xirao' nucun Moisés. Coromicat ximama' ac caca na: Cain' cain' xira con ne? Iri' Jam ina xi' ma na ron, ac i ma' na ca coromicat ximama' nucucun.

Lucas 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Lucas 5:17

Maqui' ac ne na xec pain ca ca' na tococwa pain capijacon Iri' Jam oro wari'. Pain ca ca' na tococwa ma', taraju nana oro fariseu cocon oro co ca' na taxipa' nanain ca xirao' nucun Moisés ma' quem. Maqui' nanain oro ca paric to ne xirim pain Galileia, je pain Judeia, maqui' nanain Jerusalém quem. Xao to to nanain i ma'. Jeju ma', pe ho' non ca hwara' opa nucun Iri' Jam quem. Je ca ha' con pain ca quep xio pin cocon oro wari' co caxi nana ma'.

Lucas 5:22

Taxi' nonon Jeju pain ca coromicat ac i ma' caca ma'. Taxi' ximao na ximicon. Para coromicat ac i ma' hwe ma' quem ac tococwa na.

Lucas 7:49

Cain' cain' xira co cwa' ne ta ac xucucun na oro wari' co cao' to ho' nonon ma'. Ma' na ca xic am ac cain ca caracat wa ra xucucun.

João 10:33

Om ca to' pa' xim urut pum pain carawa ca awi ca ara ma ma' ac cocon na. To' pa' pin xim urut pum, xi tomi' ximao ara mon Iri' Jam ta. Iri' Jam ina ta a xima ma ron? Wari' ma ma' ira ac cocon na.

Romanos 8:33

Tora' napari' Iri' Jam. Ma' tara wari' co tomi' em' napari' con Iri' Jam ra? Om na ta. Wirico Iri' Jam ara xi' na co wara to' hohot pin napari' ta.