Lucas 5:20 - Tradução Bíblica Pacaas Novos

²⁰ Querec pin' iri tata pain ca howa cocon ne, tomi' ac con na co carama pe ma': Xic am pin inain ca caracat nem ta xa' na ca tomi' con ma'.

Lucas 5:20 Iomraidhean Croise

Mateus 9:2

Maqui' ac caca na wari' co an mamam' nonon co carama pe ma'. Terem' pe nain witacon. Querec pin' iri tata pain ca howa cocon ne, tomi' ac con na co carama pe ma'. Hwara' opa ra e' arain. Xic am pin inain ca caracat nem ta na ca tomi' con ma'.

Mateus 9:5

I'ina xirapa' pain ca xic am tain ca caracat nem ton co carama pe cwa' ra? I'ina xirapa' pain ca tequi' pe ra ta, xut ra ta ton ra? Cain' xi i'ina ac capa' quem?

Marcos 2:5

Querec pin' iri tata pain ca howa cocon ne, tomi' ac con na co carama pe ma': Xic am pin inain ca caracat nem ta arain na ca tomi' con ma'.

Lucas 7:48

Tomi' ac cam na Jeju: Xic am pin inain ca caracat nem ta nam.

João 2:25

Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.

João 5:14

Om om, mam' mami' ac con na Jeju. Mam' pe non pain ca tao' caho' nein xiricon Iri' Jam. Taraju wet ne e' ac con na. Xio pin ma. Ta caracat mami' ma me. Ma' ta om quep quem iri' ca om awi wa. Jain jain paxi' ma pain ca caxi nem cara ne. Mo ta quep quem iri' ca om awi wa, jain jain tamana ac ma tara na ca tomi' con ma'.

Atos 11:23

Wa' mao iri nain i cain ne, querec pin' ac tococwa na pain ca xiram pa' cocon Iri' Jam, je pain ca quep xiho' cocon quem. Hu ac tococwa na: Win xumu jun Taramaxicon nexi' ma'. Hwara' opa cara je pain ca howa hun quem tata.

Atos 14:9

Taraju wet non Paulo pain ca pijim' ca quem. Noro pan ac con na Paulo ma' quem. Howa non xin Jeju co ma' ne, ha' non Jeju pain ca quep xio capa' ta na ca coromicat nucun co ma' ne na ca coromicat nucun Paulo.

2 Coríntios 2:10

Je ca tomi' xuhu' ca'. Mana' mana' om pin iri hun pain ca caracat nucun win ma' nuhu' ma' ne, mana' mana' om pin ac ton na quem. Ara cup iri napa' ne, mana' mana' om pin ac ton na pain carawa ca ara mi' capa' quem. Tomi' iri'o' ina, taxi' napa' Cristo, mana' mana' om pin inon pain, xi param ara xuhu' pain ca tomi' querec te caracan xujuhu' ta inuhu'.

Colossenses 3:13

Ma' iri tara ca to' i'ina nuhu' cocon oro win ma' hwe ne, tomi' pan hot ac xujuhu' tara. Ji'am pin jein ca mana' nuhu' pain ca ara cup xujuhu' quem. Win ca Taramaxicon nexi' pain ca ji'am pin cain ca caracat nexi' ca', ac i ma' tara ca ji'am pin hwein ca mana' nuhu' pain ca ara cup xujuhu' ma' quem.

Tiago 2:18

Am ma' ca wari' co tomi' ca' napa' ma': Ma' na wari' co howa non Iri' Jam, je ca to' witan tocwa ma'. Ma' ac ca na xucun wari' co xiram pa' nonon oro wari', je ca to' witan tocwa ma', am ac i ma' ne ca tomi' capa' wari' ma'. Cain' cain' xira quem ac ton na. Mo ta howa inon Iri' Jam ta e' mapa' ma', mo ta om an hwet mi' mapa' pain ca howa nem pain ca xiram pa' momon oro wari' ma', om ca querec pin' ac xim pain ca howa iri'o' nem. Wata' iri na ne, xiram pa' inonon oro wari', je ca querec pin' mapa' pain ca howa iri'o' ne ca', ac i ma' tara ca tomi' ton ta.