Lucas 5:17 - Tradução Bíblica Pacaas Novos

¹⁷ Maqui' ac ne na xec pain ca ca' na tococwa pain capijacon Iri' Jam oro wari'. Pain ca ca' na tococwa ma', taraju nana oro fariseu cocon oro co ca' na taxipa' nanain ca xirao' nucun Moisés ma' quem. Maqui' nanain oro ca paric to ne xirim pain Galileia, je pain Judeia, maqui' nanain Jerusalém quem. Xao to to nanain i ma'. Jeju ma', pe ho' non ca hwara' opa nucun Iri' Jam quem. Je ca ha' con pain ca quep xio pin cocon oro wari' co caxi nana ma'.

Lucas 5:17 Iomraidhean Croise

Mateus 11:5

Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 15:1

Ma' ac caca na oro fariseu cocon oro co ca' na taxipa' nanain ca xirao' nucun Moisés. Maqui' nanain Jerusalém. Hwet ac cocon na Jeju. Tomi' querec ac cocon na:

Marcos 1:45

Ane om tomi' ha' ca ne. Paca' iri non ne, tomi' hwet pin ac tococwa na oro wari' pain ca quep xio pin con Jeju. Taraju taraju pi' pin nanain oro wari'. Je ca mao noc xa e' cain oro cidade Jeju. Mo mo pe mao paxi' na, xut mao e' nain ca om pe ca wari'. Ane jein hwet cara cocon oro wari' co maqui' nanain oro cidade ma' ne.

Marcos 16:18

Mo ta quep mapi' cocon em', om ta huru caxi tococwa. Mo ta toc cacain cominain ca mam' aramao wa, om ta toc xirac tococwa quem. Mo ta quep cocon pain micocon co caxi nana ma', xio pin ac caca tara quem na ca tomi' tococwa ma'.

Marcos 3:22

Oro co ca' na nanain ca xirao' nucun Moisés ma', co maqui' nanain Jerusalém ma', tomi' ximama' ac cocon na Jeju: Om na, corom pe ho' non Belzebu ta. Wirico Belzebu co taramaxicon nucucun oro caxicon jam ma', wirico co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.

Marcos 5:30

Wara taxi' xucun Jeju pain ca mam' to' xio pin con wari' pain ca hwara' opa nucun. Xin in hwet ac tococwa na oro wari' co xao xao nonon ma'. Ma' co quep napa' con womu cwa' quem tata.

Marcos 7:1

Ma' ac caca na oro fariseu cocon oro co ca' na taxipa' nanain ca xirao' nucun Moisés. Maqui' nanain Jerusalém. Hwet ac cocon na Jeju.

Lucas 15:2

Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'.

Lucas 2:46

Xec pa' ac cacam na, xec pa' ac cacam na. Xijein xec pin iri na ne, mam' ac cocon na. Mam' pe nonon pain ca tao' caho' nein cote ne xiricon Iri' Jam. Xao pe pe nain ximijacocon oro co ca' na taxipa' nanain capijacon Iri' Jam ma'. Taraju tata pain ca ca' na cacain, tomi' querec tomi' querec ac tococwa na quem.

Lucas 5:21

Coromicat ximama' ac caca na oro fariseu cocon oro co ca' na taxipa' nanain ca xirao' nucun Moisés: Cain' cain' xira con ne? Para tomi' ac i ma' ca ma' quem? Iri' Jam ina xi' ma na ron? Xi xic am pin taxi' cain ca caracat wa ca wari' wa ta! Xica' pe na Iri' Jam co xic am pin taxi' nain ca caracat wa ta na ca coromicat ximama' nucucun.

Lucas 5:30

Ane om querec hohot cocon oro fariseu cocon oro win ma' caca co ca' na taxipa' nanain ca xirao' nucun Moisés ma' ne. Tomi' ximama' ac cocon na co taxipa' ca Jeju: Para cao' to ho' huhun co cut in taxipa' nanain oro imposto ma'? Para cao' to ho' huhun oro caracat ma' quem? Para toc to ho' huhun ma' quem na ca tomi' querec cocon ma'.

Lucas 6:19

Quep xuxun na nonon, jain jain jain jain pi' pin nonon. Xi pe ho' ara con ca hwara' opa wa ta. Je ca mam' quep xio quep xio pi' pin cocon quem.

Lucas 7:30

Oro fariseu cocon oro co ca' na taxipa' nanain ca xirao' nucun Moisés ma' iri nana ne, om ca ja' tococwa pain com. Xi noc urut pain ta ara caca pain ca cwirin' jein ca caracat nuhu' ta tococwa.

Lucas 8:46

Om na, ma' na wari' co quep napa'. Taxi' xije pain ca mam' to' xio pin ton wari' pain ca hwara' opa ne ta na.

João 3:10

Om ca taraju pa' ma ra ac con na Jeju. Win ne ca ca' na taxipa' momon pain capijacon Iri' Jam oro win ma' ma pain Israel ma' non.

João 3:21

Oro wari' co tomi' ha' taxipa' nonon Iri' Jam co iri'o' ma' iri nana ne, wixicam pin nanapa' pain ca ac naran ta' ca'. Ma' ta querec pin' cacaparut oro wari' pain ca quep xiho' caparut Iri' Jam pain ca tomi' ha' nuxut ta nana. Ac i ma' na ca tomi' con Nicodemos Jeju pane.

Atos 19:11

Quep xiho' tamana non Paulo Iri' Jam ma', pain ca mi' con pain ca ara tamana cain ca om ara taxi' ne ca wari' wa ma'. Wa wa tamana nonon oro wari' ma' quem, xi wara querec xine oro ca ara ca pain cara pane ta.

Atos 4:30

An hwet rain ca hwara' opa nem quem. Ma' ta quep xio pin tococwa wari' co caxi nana. An hwet iri xut pain wixicon Jeju co win xumu nem pain ca tama' tomi' ha' quem ne, ara an hwet pe ac main tara oro ca hwara' opa nem quem. In ac ac quequem tara oro wari' quem, ac i ma' na ca tomi' cocon Iri' Jam pane.

Atos 5:34

Ane ma' ca co ma' ne, co win taramaxicon caca ma'. Gamaliel na wixicon. Fariseu na Gamaliel. Ca' na taxipa' nain ca xirao' nucun Moisés pane. In ac in ac pi' pin nonon oro wari' ma' quem. Xi om ne ca querec pin' ara cocon pain ca hwara' opa nucun. Tequi' pe ac ca na pain ca cut in to xucucun ma'. Cut hwerehwet mama' camain' jujun e' ac tococwa na oro guarda. Cut hwerehwet mama' ac tococwa na.