Lucas 5:14 - Tradução Bíblica Pacaas Novos

¹⁴ Tomi' ac con na Jeju, tomi' mip non: Taraju wet ne e'. Miri'om roron oro wari' ma'. Ta tomi' hwet momon pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio pin nem ma', je pain ca querec hohot pin quem Iri' Jam ma' quem na ca tomi' con ma'.

Lucas 5:14 Iomraidhean Croise

Mateus 10:18

Cut mi' tuturuhu' cocon oro taramaxicon, tomi' querec ac cucuhu' tara pain oro ca ara hwe ma'. Ara ac i ma' tuturuhu', xi om ne ca howa ara mahu' ta. Je i ma' ira, na e' na pain ca tomi' hwet huhun pain capija oro taramaxicon cocon oro wari' co om judeu nana ta.

Mateus 12:16

Tomi' mip ac tococwa na: Ta tomi' hwet mahu' cocon oro wari' me ta tata.

Mateus 8:4

Tomi' ac con na Jeju: Taraju wet ne e'. Ta tomi' hwet momon oro wari' pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio nem ma', je pain ca querec hohot pin quem Iri' Jam ma' quem na ca tomi' con ma'.

Mateus 9:30

Querec mami' ac caca na quem. Tomi' mip ac tococwa na: Ta tomi' hwet huhun pain oro wari' me ta tata.

Marcos 1:44

Taraju wet ne e'. Miri'om roron oro wari' ma'. Ta tomi' hwet momon pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio pin nem ma', je pain ca querec hohot pin quem Iri' Jam ma' quem na ca tomi' con ma'.

Marcos 6:11

Mo ta hwet xun huhun xucucun wari' co to nanain oro ca paric to ne xirim ma' quem, mo ta om tomi' querec te cucuhu'. Mo ta om ma' camain' ca wari' co taraju xin nanain ca pijim' nuhu' ma', paca' ac huhun tara, wap camara' ac hwein tara ximirinain macaracocon pain caximahu' pain ca paca' huhun ma'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ta ac huhun tara quem. Ac i ma' na ca tomi' xo' tococwa pane.

Lucas 17:14

Querec iri tata ne, tomi' ac tococwa na: Jein hwet jujun oro sacerdote co taramaja to nanain cote ne xiricon Iri' Jam cain. Noro jein curuxut ca' ac huhun tara na ca tomi' tococwa ma'. Mama' ac caca na. Pain ca xuruxut xuruxut wet nucucun ma', om pin nonon caji nan. To' xio pin tata.

Lucas 5:13

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin ac con na caji nan.

Lucas 9:5

Mo ta om tomi' querec te cucuhu' oro wari' pain ca hwet huhun pain cidade nucucun ma', wap camara' ac hwein tara ximirinain macaracocon pain caximahu' pain ca paca' xun huhun ma'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ca pijim' nuxut ca' ac huhun tara. Ac i ma' na ca tomi' xo' tococwa pane.