Lucas 5:13 - Tradução Bíblica Pacaas Novos

¹³ An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin ac con na caji nan.

Lucas 5:13 Iomraidhean Croise

Mateus 8:3

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin con na caji nan.

Lucas 4:39

Xut hwet ac cam na, wina quiji' hwet ac cam, tomi' in pin ac cain na ca xain nequem. Xain xain om pin ac cama na. Tequi' pe hap ac cama na, ara mi' pan ac cocon na pain carawa ca cao' wa quem.

Lucas 5:12

Pe iri nain xijein cidade Jeju ma' ne, maqui' ac ca na wari' co ma' tamana non caji nan. Lepra na wixinain ca caxi nucun. Mija non nan pain curucun. Querec iri non Jeju ne, pe torotop tucu hwet mi' ac cain na macan', tomi' ac con na: Mo ta quep xio xim mapa' ma', taxi' inem pain ca quep xio taxi' mapa' ta non.

Lucas 5:14

Tomi' ac con na Jeju, tomi' mip non: Taraju wet ne e'. Miri'om roron oro wari' ma'. Ta tomi' hwet momon pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio pin nem ma', je pain ca querec hohot pin quem Iri' Jam ma' quem na ca tomi' con ma'.