Lucas 5:11 - Tradução Bíblica Pacaas Novos

¹¹ An taratac pin ac cacain na mam' horoho nucucun pain namaji ma', maji con ta ac caca na, an to pin ac cacain na oro ca mam' pa' caca hwam ma', ja' ja' ac cocon na Jeju.

Lucas 5:11 Iomraidhean Croise

Mateus 10:37

Wari' co tomi' querec te tamana non cote ca cam jicon ma', mo ta om tomi' querec te tiquin' ca' capa' cacam, om ca hohot ne pain ca taxipa' capa'. Mo ta tomi' querec te tamana cacam mana panxica wari' ma', mo ta om tomi' querec te tiquin' ca' capa' cacam, om ca hohot ne pain ca taxipa' capa' quem.

Mateus 19:27

Tomi' ac con na Pedro. Win urut ca'. An to an to pi' pin urut pain oro caramajuxut, ma' ta ja' ja' xim urut pum. Ma' carawa ca awi ca mi' xim caparut Iri' Jam quem na ca tomi' con ma'.

Mateus 19:29

Oro wari' co paca' nanain xiricocon cocon xurucucun cocon cote caca cacam jicocon cacam mana panxicaca je totacocon quem, oro wari' co ara ac i ma' nana pain ca taramaja mi' xim cacapa' ma', cut tamana ac cacain tara carawa ca awi. Mija tara carawa ca awi ca cut xi' caca ma', mija tiquin' ca' tarain carawa ca paca' caca. Moin' tamana tara cocon. Mi' ac tococwa tara pain ca om pi' ra ha' ne ca e' wa quem.

Mateus 4:20

Ma ac caca na, an to hap pin ac cacain na ca mam' pa' caca hwam. Ja' ja' ac cocon na Jeju.

Mateus 4:22

Ma ac caca na, om ca hehe caca. Paca' hap nonon cote caca, paca' nanain mam' horoho nucucun ma', ja' ja' ac cocon na Jeju.

Marcos 10:21

Noro ac con na Jeju. Xiram pa' non. Ma' xica' pe na carawa ca om ara querec ma ma' ac con na. Mo vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Lucas 5:28

Tequi' pe ac ca na, an pe pin ac cain na oro ca taramaja nucun pain ca cut in taxipa' cain oro imposto cocon oro taramaxicon ma'. Ja' ja' ac con na quem.