Lucas 5:10 - Tradução Bíblica Pacaas Novos

¹⁰ Ac i ma' nana mana panxica Zebedeu Tiago con João ma' quem, co taramaja wi ca ma'. Om na, ta jin' ma me ta Simão ac ca na Jeju. Maho' rain ca cut wa hwam ta. Mi' ho' xim inem pain xijein ca taramaja wa pain xocori ca'. Cut in ho' roron wari' ta. Win ne ca cut in taxipa' mon hwam cwa', ac i ma' roron oro wari' ta. Ma' ta howa cacapa' pum ta inem na ca tomi' con ma'.

Lucas 5:10 Iomraidhean Croise

Mateus 13:47

Pijim' ac caparut na: Carawa ca ara ne pain ca taramaxicon pe ho' toton cocon oro wari' Iri' Jam ma', an xiho' nain carawa ca ara ne cocon oro co xin nanain cote ne caji wi ca mam' pa' wa hwam. Mija na oro xucun hwam co quep caca.

Mateus 14:27

Ane tomi' hap caparut Jeju ne. Om na, ta jin' mahu' me ta, wata' ta. Quereme je ta naparut.

Mateus 20:20

Tomi' ton Jeju ta ac cama na jicocon mana panxica Zebedeu ma', Tiago con João ma', co taxipa' nonon Jeju ma'. Harahap je e' ac tococwa na humaxicam, xuruxut hwet ac cocon na Jeju. Pe torotop mi' ac con na. Jeju, tomi' xim inem ira ac con na.

Mateus 4:19

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Mateus 4:21

Xut tiquin' mao ac ca na, querec ac tococwa na xucucun ma', Tiago con coxa' ca João ma' quem. Mana panxica Zebedeu nana. To ho' nonon cote caca pain mam' horoho nucucun. Ara xo' nanain ca mam' pa' caca hwam ma'. Tomi' ac tococwa na: Harahap je, ja' ja' xine tata.

Marcos 1:17

Tomi' ac tococwa na: Harahap je, ja' ja' xine. Ca' na ac xuhu' tara pain ca cut in wa wari'. Win ne ca cut in taxipa' hun hwam cwa', ac i ma' jujun oro wari' quem. Ma' ta howa cacapa' pahu' ta inuhu' na ca tomi' tococwa ma'.

Lucas 5:7

Weo ac cocon na oro win ma' caca ma', co to nanain wirain mam' horoho wa ma'. Ma' ta quep xiho' cacapari' ta nana. Pan ho hwet ac cocon na, cut ho' moin' ac cacain na mam' horoho wa con hwam ma', moin' moin' pi' pin na mam' horoho nucucun. Pan corom mama' xi' paxi' nana ira.

Lucas 5:9

Wa wa tamana na Pedro pain ca cut tamana caca hwam ma'. Wa wa nana oro win ma' ca co to ho' nonon pain mam' horoho nucun ma' quem. Cain' cain' xira con ne nana.

Lucas 6:14

Mo nana co tora' ca ma': Simão ma', co wara o' ma' ni ca pane, pain ca Pedro pin ra ta con pane. Ma' ac ca na coxa' ca ma' quem, André ma'. Ma' ac ca na Tiago con João con Filipe con Bartolomeu ma'.

João 21:2

Ca' urut pain ca jao jao ma' xujuxut: Simão Pedro ma'. Tomé ma', co Dídimo na xijein wixicon ma'. Natanael co maqui' nain Caná ca pe ne Galileia ma'. Aji', wata' quem, ca' urut. Ma' 2 nana xucucun win ma' nuxut pain ca taxipa' urut con Jeju ca' quem.

Atos 2:4

Corom hwet corom hwet xam' ac cocon na Tamataracon Iri' Jam. Tomi' ac cacain na oro xijein ca capija wa ca om wara tomi' taxi' caca ma' quem. Je Tamataracon Iri Jam ca mi' nonon pain ca tomi' wa ma'.

2 Coríntios 8:23

Win ma' ne inon Tito cwa' quem, taramaja wi urut pain ca quep xiho' xim urut pahu'. Xerexi' co ja' ja' xun nonon cwa' quem, wiricoco nana co tora' caca oro co cut in xucucun pain ca howa cocon Jeju ma' quem. Ja' ja' jun Tito ta tata, ac ca ja' ja' pan urut con tara pain ca ja' ja' hun ma' tata. An hwet pe nanain ca awi nucun Cristo pain ca xuruxut xo' nucucun quem.

2 Timóteo 2:26

Mo ta ara ac i ma' cocon Iri' Jam ma', ma' pin ac ne tara ximicocon, witan ca' ac cocon tara Caxicon Jam co quep xat nonon ma', pain ca tomi' ha' xine cocon ma'.