Lucas 5:1 - Tradução Bíblica Pacaas Novos

¹ Maqui' ac ne na xec pain ca pe cain cacarain cote ne com pain Genesaré Jeju ma'. Mija nana wari' co xao xao nonon. Om ca paric camain' caca. Taraju xin capijacon Iri' Jam nana.

Lucas 5:1 Iomraidhean Croise

Mateus 11:12

Pijim' paxi' nonon oro wari' João pane, pijim' mi' paxi' nonon con Iri' Jam co taramaxicon pe ho' pin ton nonon quem. Ane noc urut con ta cocon Iri' Jam ne. Noc urut con pain ca taramaxicon pe ho' caparut ta nana. Je curucucun pane, pain ca xo' pijim' ten qui' ca pane, mao ac ne ma' na cocon, noc urut con noc urut con wet nana pain xocori ca' quem. To' quiji' pin xun nonon oro wari' co taramaxicon pe ho' ca Iri' Jam quem.

Mateus 14:34

Horoho horoho tiquin' ac urut na. Wirico Jeju, warut pain ca taxipa' urut con ca', horoho mama' ac urut na pain xijein cacarain cote ne com. Tan' mama' ac urut na pain macarain Genesaré ma'.

Marcos 3:9

Mija nana wari' ta ac ca na, tomi' ac tococwa na co taxipa' ca ma': An tac xo' mi' xine pain wijimain mam' horoho wa ma'. Xao pe tain, ma' ta om xao xao cacapa' oro wari' cwa' ta tata.

Marcos 4:1

Ca' na toton pain capijacon Iri' Jam ta ac ca na Jeju ma', ca' na pe ac cain na cacarain cote ne com. Mija nana wari' co coco' coco' mam' nonon ma'. Om ca paric camain' caca. Je ca piton pe tain cain mam' horoho wa ca ho pe cacarain com ma'. Xao pe ac ca na. Coco' to pan ac cacain na namaji pain cacarain com oro wari' ma' quem.

Marcos 5:24

Ma ac ca na, hwet ac con na. Ja' ja' nonon oro wari' quem. Mija nana wari' ta. Om ca paric camain' caca. Xao xao tamana nonon.

Marcos 6:53

Horoho mama' ac cacain na xijein cacarain cote ne com ma'. Tan' mama' iri nanain macarain Genesaré ma' ne, tucu pan ac cacain na mam' horoho nucucun ma'.

Lucas 12:1

Ac i ma' ac i ma' nana, ma' mija ac caca na oro wari' co cut in nana ma'. Mija nana, om ca paric camain' caca. Pain ca wixicam xun Jeju ta caca ma', xao xao ac xucucun na, xom mapi' xucucun pain caximacocon quem. Tomi' ta' e' ac ca na Jeju, tomi' cain' tata co taxipa' ca ma': Ma' tara xumuhu' me ac tococwa na. Ta an xiho' huhun oro fariseu pain ca ac ca iri'o' xi' ca' tara me caca ma'. An xiho' ara xi' nanain ca to' memerem nein capam' ma', pain ca to' ara cocon oro wari' pain ca mixein nucucun.

Lucas 5:2

Querec ac cain na mam' horoho wa pain cacarain cote ne com ma'. Ma' 2 na. Wara an tac to nanain caram ma' co pa' taxipa' nana hwam ma', co hohoc nanain caji wi ca mam' pa' caca hwam ma'. Querec iri nain Jeju ne,

Lucas 8:22

Maqui' ac ne na xec pain ca tomi' ca' cocon co taxipa' ca Jeju ma': Maji pan horoho mama' xin xijein cacarain com cain e' ac ca na, piton to ac cacain na mam' horoho wa, pan horoho mama' ac caca na.

Lucas 8:23

Pain ca pan horoho pan caca co taxipa' ca ma', pi'am ac ca na Jeju. Maqui' pa' ac cocon na camana' ca nuru mip tamana quem. Wap tamana na com ta. Moin' pin tain na mam' horoho nucucun com ira. Cono' pin xi' nana ira.

Lucas 8:33

Hwerehwet ca' ac cocon na, corom hwet ac cacain na caji mijac ma'. Tamanain to pin ac ne na, jein quiji' mama' ac nein na ca tamaja ne macan' ma', jein jein, wara ca' na com ma', pan corom mama' ac ne na, cono' cono' pi' pin ac ne na quem.

Lucas 8:45

Ma' co quep napa' quem ac ca na Jeju. Om ina, om ca quep xim ta nana oro wari' ma', tomi' ac i ma' tomi' ac i ma' pi' pin nana. Je ca tomi' pan con Pedro ma': Cain' cain' xima quem Taramaxicon co ca' na taxipa' capijacon Iri' Jam? Mija nana wari' co xao xao nenem cwa' non.

João 1:40

André na wixicon win ma' ne pain ca taraju urut pain ca tomi' nucun João ma', pain ca ja' ja' pin urut con Jeju. Aji' non Simão Pedro André.

João 6:1

Om ca pain homa ne, maji ta ac caparut na Jeju, pan horoho mama' ac urut pain na xijein cacarain com ma', Galileia ma'. Ma' na xijein wixinain quem. Tiberíades nanain quem.

Hebreus 13:7

Mam' pe wet jujun co querec wet nunuhu' pain ca howa hwe ma', pain ca tomi' hwet qui' cucuhu' pain capijacon Iri' Jam pain cara pane. Querec pin' jujun pain ca xuruxut xo' nucucun pain ca e' e' wet nucucun pane, querec pin' jujun pain ca howa howa aram aram cono' pin caca quem. An xiho' jujun pain ca howa nucucun ta.