Lucas 4:5 - Tradução Bíblica Pacaas Novos

⁵ An mao ac con na pain iri' cote ne pacun ca mao tamana pawin. An mao non pain iri' tamain. An hwet mi' ac con na pain oro xijein macan' pain pira, an hwet mi' hap non pain, ac pain ca xopin' pin e' ne ca tucu wa na pain ca an hwet mi' hap con pain.

Lucas 4:5 Iomraidhean Croise

Mateus 24:14

Pijim' mama' ac cacain tara oro xijein macan' oro wari' ne quem. Tomi' hwet tomi' hwet xam' ac cocon tara oro wari' pain capijacon Iri' Jam ma', pain ca tomi' xo' cocon pain ca taramaxicon pin ta' ca Iri' Jam ma'. Taraju taraju xam' iri tatara oro wari' ne, pi' pin ac ne tara macan' ta.

Mateus 4:8

An mao ac con na pain iri' cote ne pacun ca mao tamana pawin. An mao non pain iri' tamain. An hwet mi' ac con na pain ca awi nein oro xijein macan' pain pira. Tomi' ac con na:

1 Coríntios 15:52

To' jimama' hap tarapari'. Ac ca hap ne ca xopin' xopin' ne ca tucu wa ma' tara pain ca to' jimama' hap xim capari'. On iri tara caji taracom ne, pain ca win pi' pin ne ca on nein ma', e' mami' ac caca tara co wara cono' nana ma'. Om ta cono' mami' caca. To' jimama' ac capari' tara quem.

1 Coríntios 7:31

Oro caramaji macan' ca ma' napari' ca', om ca na ne pain ca win xumu xin. Pi' pin ta' ara xi' na macan' ta.

2 Coríntios 4:17

Jain jain paxi' urut, ane to' hwara' opa caparut oro ca jain jain nuxut ne, xi winim' ara urut pain ca awi tamana wa ca mi' xim caparut Iri' Jam ta. Awi tamana tara, om ta pi' ra ha' ne quem. Awi tiquin' ca' tarain oro ca jain jain wijimain nuxut pain macan' ca'.

Efésios 2:2

Pan teretem taxipa' hwe, je curuhu' pane. An xiho' e' huhun oro wari' co om howa nonon Iri' Jam. Tomi' ha' taxipa' hun Caxicon Jam co taramaxicon pe ho' nonon oro caxicon jam co taramaja mi' nonon pain nanawin ma'. Wirico Caxicon Jam co taramaja pe ho' nain ximicocon oro wari' co om tomi' ha' camain' nana cwa', wirico co tomi' ha' hwe pane.

Efésios 6:12

Xi wari' caca co mixita iri' ta. Oro caxicon jam nana co mixita iri'. Mixita ururun oro caxicon jam cocon oro taramaxicon nucucun co taramaxicon to ho' nanain oro ca om awi wa pain macan' ca', cocon oro wari' co ac ca to cacain ca jitacat nein na pain ca ari cocon Iri' Jam ma' quem. Mixita ururun oro caxicon jam co hwara' opa to nanain nanawin cain quem. Wiricoco co mixita iri' ta.