Lucas 4:41 - Tradução Bíblica Pacaas Novos

⁴¹ Mija nana oro wari' co corom to ho' nonon caxicon jam ma' quem. Tomi' jein pin iri tata ne, hwerehwet ca' ac cocon na. Hwerehwet ca' iri tata ne, merem merem ac cocon na Jeju: Panxica Iri' Jam ma ta nonon. Ane tomi' in pin tococwa ne. Narain ho' tata pain ca tomi' wa, xi om ne ca taxi' ara cocon pain ca Cristo ca ma', pain ca wirico co wara tomi' pe ca Iri' Jam pane.

Lucas 4:41 Iomraidhean Croise

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 4:3

Hwet ac con na Caxicon Jam ma', co tomi' querec taxipa' pain ca caracat wa ma'. Tomi' ac con na: Ara capam' pin ximain oro pacun ca' quem. Win ne ca Panxica Iri' Jam ina ma ma' na ca tomi' querec con ma'.

Mateus 8:16

Xo' um pin iri na ne, o qui' mija ac tococwa na con Jeju oro wari' co corom to ho' nonon caxicon jam. Tomi' e' na, hwerehwet ca' jujun e' na, hwerehwet ca' ac tococwa na. Quep xio quep xio pi' pin ac tococwa na oro wari' co caxi nana ma' quem.

Mateus 8:29

Merem mip ac cocon na: Cain' cain' xim maparut quem Panxica Iri' Jam? Quep em' xim maparut pain ca om maqui' querec ne xec nein ca mama' jein xe xim caparut Iri' Jam ra, ac i ma' na ca merem nucucun.

Mateus 8:4

Tomi' ac con na Jeju: Taraju wet ne e'. Ta tomi' hwet momon oro wari' pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio nem ma', je pain ca querec hohot pin quem Iri' Jam ma' quem na ca tomi' con ma'.

Marcos 1:25

Tomi' in pin ac con na Jeju. Merem maho' ra ta! Hwet ca' ron co cwa' ta na ca tomi' con ma'.

Marcos 1:32

Xo' um pin iri na ne, wara corom mao na xina, o qui' o qui' pi' pin ac tococwa na con Jeju oro wari' co caxi nana ma', cocon oro co corom to ho' nonon caxicon jam ma' quem.

Marcos 1:34

Quep xio mija ac tococwa na co caxi nana ma'. Oro xijein ca caxi wa cocon, quep xio quep xio ac tococwa na. Mija nana oro caxicon jam co tomi' jein pin ca ma' quem. Narain ho' ac tococwa na pain ca tomi' wa, xi om ne ca querec pin' ara cocon pain ca Panxica Iri' Jam ca ma'.

Marcos 3:11

Oro wari' co corom to ho' nonon oro caxicon jam ma', querec iri nonon Jeju ne, pe torotop mi' pe torotop mi' ac cocon na. Merem pan ac caca na oro caxicon jam nucucun. Panxica Iri' Jam ma ta nonon Jeju pain ca merem nucucun.

Lucas 4:39

Xut hwet ac cam na, wina quiji' hwet ac cam, tomi' in pin ac cain na ca xain nequem. Xain xain om pin ac cama na. Tequi' pe hap ac cama na, ara mi' pan ac cocon na pain carawa ca cao' wa quem.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

Tiago 2:19

Ma' xica' pe na Iri' Jam ta na ca howa nem ra? Je i ma' ira! Howa ac i ma' nana oro caxicon jam quem. Howa paxi' nonon Iri' Jam, ane jin' cocon ne, cocoroc nana pain ca jin' cocon ta.