Lucas 4:40 - Tradução Bíblica Pacaas Novos

⁴⁰ Corom mao iri na xina ne, o qui' xuxun co caxi nana cwa', o mi' xuxun con Jeju ta ac caca na oro wari' ma', o qui' o qui' pi' pin ac cocon con na oro wari' co ma' nonon oro xijein ca caxi wa ma'. Quep xio quep xio xam' ac tococwa na.

Lucas 4:40 Iomraidhean Croise

Mateus 11:5

Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 14:13

Taraju iri na Jeju ne, pain ca ton tapit pin xine winacon João co ja' taxipa' com ma', maji ta ac caparut na pain ca taxipa' urut con ca', piton to ac urut pain na mam' horoho wa, pan horoho mama' ac urut na. Xica' to urut, mama' urut pain ca om pe ca wari'. Ane taxi' pin cacaparut oro wari' ma' ne, taxi' nanaparut pain ca mama' nuxut. Je ca maqui' cacain oro xijein cidade ma', ja' ja' ac cacaparut na pain macan'.

Marcos 3:10

Xi mija ara caca co quep xio ca pane ta. Je ca xao xao tamana cocon oro wari' co caxi nana ma'. Ma' ta quep xun nonon.

Marcos 5:23

Jain jain na, tomi' mip ac con na: Hap ra, mi' pin ta' na panxita' ta. Quep ram pain mum ta. Ma' ta xio pin cama, ma' ta om mi' pin cama ta non.

Marcos 6:5

Je ca om ha' con pain ca ara pe cain Nazaré oro ca om ara taxi' ne ca wari' wa ma'. Quep xio e' tata co caxi nana ma'. Paric nana, om om nana. Quep iri tata pain micon ne, xio xio pin ac caca na.

Atos 19:12

Om ca cut qui' e' tococwa co caxi nana ma'. Cut mi' tata con womicon Paulo ma' quem, wirico wom co mam' xic ca pain ca nahwere' nucun, wirico wom co pe ca pain ca taramaja nucun ma' quem, cut mi' tata con. Mam' tatep pa' iri tata con ne, xio pin ac caca na. Oro caxicon jam co corom to ho' nonon ma', hwerehwet ca' ac cocon na quem.

Atos 5:15

Oro apóstolo ma', an hwet tamana nanain ca hwara' opa nucun Iri' Jam pain ca ara cacain oro ca om ara taxi' ne ca wari' wa pane. Maji cut mama' xuxun co caxi nana cwa' ac caca na oro wari' ma', an mamam' an to ac tococwa na pain wana. An toco' to tata pain caji tapit je wi. Ma' ta quep xio cocon Pedro ta na ca coromicat nucucun. Am om na con pain ca quep cocon ma', am na e' con pain ca to' xio quiji' cocon jamicon pain ca aram aram xut tiquin' ca' cocon ca', ac i ma' na ca coromicat nucucun.