Lucas 4:4 - Tradução Bíblica Pacaas Novos

⁴ Om na ta ac con na Jeju. Ac i ca' na ca xirao' pe xine pain capijacon Iri' Jam: Om ca xica' pe ne capam' ca to' e' nain ca wari' wa ma'. Ac i ma' na ca tomi' in pin con Caxicon Jam.

Lucas 4:4 Iomraidhean Croise

Mateus 4:4

Om na ta ac con na Jeju. Ac i ca' na ca xirao' pe xine pain capijacon Iri' Jam: Om ca xica' pe ne capam' ca to' e' nain ca wari' wa ma'. Tomi' ha' iri tarain oro capija wari' ne, je ca to' e' non ta na ca xirao' nein con ta. Ac i ma' na ca tomi' in pin con Caxicon Jam.

Mateus 6:31

Je ca tomi' xuhu' ca': Ta toron ne xumuhu' me. Ta tomi' xujuhu' pain ca main xi carawa ca cao' xi' ca' ne hwe me. Ta main xi carawa ca toc xi' ca' ne hwe me. Ta mon xi wom co to xi' cwa' ne hwe me.

Lucas 22:35

Cain' cain' ne quem? Tomi' querec xuhu' ta ac tococwa na. Pijim' mama' jein pira iri inuhu' pane ne, tomi' ac xuhu' na: Ta cut hwein dinheiro me ta, ta cut hwein caji coco ca mam' cut wa carawa me ta, ta cut tocwan hwein caji caxim quem me ta, ac i ma' na ca tomi' xuhu' pane. Je ca tomi' querec xuhu' ca': Ma' na xec pain ca ximin hwe pane quem? Om ca tama' ma' cuhu' ca param hwe quem ra tata. Ma' naparut ta, om ca ximin camain' urut pane ac caca na.

Lucas 4:10

Xi xirao' pe ara xine pain capijacon Iri' Jam ta: Querec wet jun ta totoron oro jam co taramaja mi' nonon pum.

Lucas 4:3

Tomi' ac con na Caxicon Jam: Ara capam' pin ximain pacun ca' quem? Win ne ca Panxica Iri' Jam ina ma ma' na ca tomi' querec con ma'.

Lucas 4:8

Om na ta ac con na Jeju. Ac i ca' na ca xirao' pe xine pain capijacon Iri' Jam: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta. Ac i ma' na ca xirao' nein con ta non.

Efésios 6:17

Noro jun soldado pain ca pe cain caji waji' pain winacon ma' quem. Mam' quep caho' nain winacon pain caji waji' nucun. Ac i ma' je quem, ac ca quep caho' hwein tara ca coromicat nuhu' ma', pain ca mam' pe wet cara hwein i ca' con Jeju quem, pain ca to' witan ca' cuhu' pain ca wap wa pain ca caracat nuhu' ma'. Noro jein capijacon Iri' Jam ca an xiho' nain cote ne quit nucun soldado ca mam' mixita ca ma' quem. Mam' tomi' napari' pain capijacon Iri' Jam Tamataracon. Na e' na pain ca noro hwein pain ca tomi' ha' hwein ta. Na ac cuhu' tara pain ca mam' ari hun pain Caxicon Jam.