Lucas 4:38 - Tradução Bíblica Pacaas Novos

³⁸ Jeju ma', hwet ca' ac cain na xirim ca cut in to xucucun ma', mao ac cain na xiricon Simão. Caxi na japinacon Simão ma'. Xain tamana na. Xiram pa' ram ta Jeju ac cocon na.

Lucas 4:38 Iomraidhean Croise

Mateus 15:23

Tomi' ac i ma' paxi' non Jeju ma', ane miri'om cam ne. Om ca tomi' camain' cam. Xuruxut hwet ac urut con na pain ca taxipa' urut con ca', tomi' ac urut con na. In mao ra ram cam ma' ta Jeju, xi ja' ja' merem ara capari' ta. Mija a xira ta urut con.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

João 11:22

Mi' pin paxi' na. Ane taxi' xim pain ca ha' quem Iri' Jam pain oro carawa ca mi' ne mon con xa' ne. Mi' terem pain na ca tomi' cama ma'.

João 11:3

Mo'o jun Jeju ta ac cacama na mana cowe ca ma'. Caxi na iri' win ma' nem co om noc ma cwa' Taramaxicon nuxut ca' jun ta nana. Mo'o xun ta ac caca na, mama' ac caca na.

1 Coríntios 9:5

Cain' cain' ne cacam narima' nuxut co howa nana quem? Om ca hohot ne pain ca maji urut cacam pain ca pijim' mama' urut pain oro xijein xirim ra? Hohot ne ma' ira. Win caca oro xucucun apóstolo ma', win caca mana coxa' ca Taramaxicon nexi' Jeju ma' quem. Win ca Pedro ma' quem. Maji nanam manacocon, mi' ac tacacama na pain carawa ca cao' wa quem.