Lucas 4:35 - Tradução Bíblica Pacaas Novos

³⁵ Tomi' in pin ac con na Jeju. Merem maho' ra ta! Hwet ca' ron co cwa' ta na ca tomi' con ma'. Joc pan' ac con na wari' caxicon jam nucun, pain ximijacocon oro wari' ma'. Xin mi' non pain macan'. Hwet ca' ac con na. Hwet ca' e' non, om ca xa con.

Lucas 4:35 Iomraidhean Croise

Mateus 17:18

Tomi' in pin ac con na caxicon jam nucun. Hwet ca' ron pije' cwa' non, hwet ca' ac con na, xio hap pin ac ca na quem.

Mateus 8:26

Cain' cain' xihwe quem ac tococwa na. Para jin' tamana hwe ma' quem? Howa wijimain e' mahu' ra tata. Tequi' pe pin ac ca na, tomi' in pin ac cain na hotowa pain ca wap tamana nein com. Nuru nuru om pin ac ne na, tacana pe pin ac ne na com ma' quem.

Marcos 1:26

Pa' mip ac con na tamanain. Wirico caxicon jam co ara mi' non pain tamanain ma'. Merem mip ac ca na, hwet ca' ac con na quem.

Marcos 4:39

Tequi' pe ac ca na, tomi' in pin ac cain na camana'. Mana' mana' om ra ta com ac cain na, tacana pe ra ta hotowa ac cain na hotowa ma' quem. Tacana pe pin ac ne na hotowa ma', mana' mana' om pin ac ne na com quem.

Marcos 9:26

U ac ca na caxicon jam ma'. To' cocoroc mip ac con na, hwet ca' ac con na, maram pin ac ne na curucun pije' ma' quem. Ac ca mi' pin ca na. Je ca mi' pin na ta cocon oro wari' ma' quem. Mija nana wari' co tomi' ac i ma' nonon.

Lucas 11:22

Mo ta maqui' ca xucun wari' co hwara' opa tiquin' ca' non ma'. Mo ta to' quiji' pin con, horohot ca' ac con tara pain oro ca mam' tac caho' xucun ca howa paxi' ca ma', cut ca' ac con tara pain oro caramaxicon ma' quem, cut mi' tiquin' ac tococwa tara pain oro win ma' ca ma' quem ta nonon.

Lucas 4:23

Tomi' ac tococwa na: Taxi' inuhu' pain ca tomi' ca' xim mahu' pain i ca' quem, ca tomi' taxipa' caca oro wari' ma'. Tomi' ca' xim mahu': Taraju urut pum pain ca quep xio pin momon oro wari' co to nanain Cafarnaum cain. Je xi quep xio pin momon oro wari' co to nanain macaraxi' ca' quem, ac i ma' paxi' xim mahu' ma' na ca tomi' tococwa ma'.

Lucas 4:39

Xut hwet ac cam na, wina quiji' hwet ac cam, tomi' in pin ac cain na ca xain nequem. Xain xain om pin ac cama na. Tequi' pe hap ac cama na, ara mi' pan ac cocon na pain carawa ca cao' wa quem.

Lucas 4:41

Mija nana oro wari' co corom to ho' nonon caxicon jam ma' quem. Tomi' jein pin iri tata ne, hwerehwet ca' ac cocon na. Hwerehwet ca' iri tata ne, merem merem ac cocon na Jeju: Panxica Iri' Jam ma ta nonon. Ane tomi' in pin tococwa ne. Narain ho' tata pain ca tomi' wa, xi om ne ca taxi' ara cocon pain ca Cristo ca ma', pain ca wirico co wara tomi' pe ca Iri' Jam pane.

Lucas 8:24

Ho' querec xun ta ac cocon na co taxipa' ca ma', ho' querec ac cocon na quem. Taramaxicon co ca' na taxipa' capijacon Iri' Jam! Cono' pin xi' urut ta Taramaxicon nuxut na ca merem cocon ma'. Querec ac ca na, tequi' pe ac ca na, tomi' in pin ac cain na camana' pain ca wap tamana nein com ma'. Nuru nuru om pin ac ne na camana', wap wap om pin ac ne na com quem. Tacana pe tacana pe pi' pin ac ne na.

Lucas 9:39

Corom pe ho' non caxicon jam. Quep mip ho' quep mip ho' non, ane ane u ac ca na, pa' ac con na tamanain, toroto ac ne na morocacon pain capijacon. Om ca an pe hap con. Quep xirac to' jam' pin iri non ne, aram aram an pe wijimain ac con na quem.

Lucas 9:42

Pain ca hwet ton ca pije' ma', xin mi' non pain macan' caxicon jam nucun. Pa' ac con na tamanain. Ane tomi' in pin pan con caxicon jam Jeju ne. Hwet ca' ron ta non, quep xio pin ac con na pije' ma'. Mon cwa' panxima cwa' ta ac con na cote ca quem.

Apocalipse 12:12

Je ta tomi' querec te tomi' querec te xam' hun pain ca to hwein pawin ma'. Wahu' pain ca to hwein macan' je cote ne com ma' iri na ne, xiram pa' e' xihwe pain ca ximin nuhu' ma'. Xi quiji' hwet pin ara cuhu' Caxicon Jam ta. Mana' tamana na, xi taxi' ara ca pain ca wijimain pin ta' ne oro xec nein ca ara tain cain oro ca ara ta' ca ma'. Ac i ma' na ca tomi' mip ne ca tomi' wa ca taraju ta' ma'.