Lucas 4:34 - Tradução Bíblica Pacaas Novos

³⁴ Cain' cain' xim maparut quem Jeju co maqui' nain Nazaré? To' om pin xim maparut ra? Querec pin' inem ta! Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca merem ca ma'.

Lucas 4:34 Iomraidhean Croise

Mateus 8:29

Merem mip ac cocon na: Cain' cain' xim maparut quem Panxica Iri' Jam? Quep em' xim maparut pain ca om maqui' querec ne xec nein ca mama' jein xe xim caparut Iri' Jam ra, ac i ma' na ca merem nucucun.

Marcos 1:24

Cain' cain' xim maparut quem Jeju co maqui' nain Nazaré? To' om pin xim maparut ra? Querec pin' inem ta! Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca merem ca ma'.

Marcos 1:34

Quep xio mija ac tococwa na co caxi nana ma'. Oro xijein ca caxi wa cocon, quep xio quep xio ac tococwa na. Mija nana oro caxicon jam co tomi' jein pin ca ma' quem. Narain ho' ac tococwa na pain ca tomi' wa, xi om ne ca querec pin' ara cocon pain ca Panxica Iri' Jam ca ma'.

Marcos 5:7

Merem mip ac con na: Cain' cain' xim mapa' quem Jeju Panxica Iri' Jam co Iri' Taramaxicon pan? Ac i ma' na ca merem mip con ma'. Ta quep em' mapa' me ta, tomi' mip inem. Tomi' an pe mi' ron pain ca tomi' nem Iri' Jam pata', om ta quep em' ton ta ron pata' ta non.

Lucas 1:35

Om na, quiji' hwet terem Tamataracon Iri' Jam ta Maria ac cam na. Pe ho' terem ca hwara' opa nucun Iri' Jam co Iri' Taramaxicon pan. Je ca iri' wari' nucun Iri' Jam ta' ca pije' co pan' ta' ma' pum. Iri' Panxica Iri' Jam ta totoron quem nam.

Lucas 4:33

Pain xirim ca cut in to xucucun ma', ma' na wari' co corom pe ho' non caxicon jam. Merem mip ac ca na pain ca jain jain nucun:

Lucas 4:41

Mija nana oro wari' co corom to ho' nonon caxicon jam ma' quem. Tomi' jein pin iri tata ne, hwerehwet ca' ac cocon na. Hwerehwet ca' iri tata ne, merem merem ac cocon na Jeju: Panxica Iri' Jam ma ta nonon. Ane tomi' in pin tococwa ne. Narain ho' tata pain ca tomi' wa, xi om ne ca taxi' ara cocon pain ca Cristo ca ma', pain ca wirico co wara tomi' pe ca Iri' Jam pane.

Lucas 8:37

Taraju iri nana oro wari' ne, jain jain ac caca na, mao ra, paca' rain macaraxut ca' ac cocon na Jeju. Tomi' mip ac i ma' nonon, xi om ne ca jin' tamana ara caca ta. Na ra ac ca na Jeju, maji in mama' xi' e' ac ca na, piton to ac cacain na mam' horoho wa, horoho in mama' ac cacain na xijein cacarain cain.

Atos 16:39

Hwet ac cocon na, tomi' toto ac cocon na. Mana' mana' om pin xut pain ca quep em' urut pahu' ne ac cocon na, cut hwerehwet qui' ac cocon na, paca' jein cidade nuxut ta ac cocon na quem.

Atos 2:27

Om ta an pe mapa' pain ca to pan caca co wara cono' nana. Om ta miri'om mapa' pain ca Iri' Wari' ta' ca', pain ca win xumu xim pain ca tama' tomi' ha' xim ca'. Nain ho' xim mapa' pain ca cunu mao ne cwere.

Atos 3:14

Iri' Wari' co wara tora' ca Iri' Jam paxi' na Jeju pane, pain ca to' witan roron oro wari' ta con pane. Tama' xut xo' paxi' na pane quem. Ane noc urut con ta hun Pilatos ne. Ta om pin mon me ta hun. Param urut con co ma' co to' pa' wari' ma', wirico tara co om pin ma ta hun.

Atos 4:27

Iri'o' na quem Taramaxicon nuxut ac cocon na. Cut in xucucun oro taramaxicon pain Jerusalém pane. Wirico Herodes con Pôncio Pilatos cocon oro win ma' nuxut pain ca judeu urut ca', cocon oro wari' co om judeu nana ma' quem, cut in xucucun pane. Tomi' xo' ac xucucun na con Panxima Jeju co tora' ma pane, co win xumu nem pain ca tama' tomi' ha' quem pane. To' pa' pin xun ta ac xucucun na.

Hebreus 2:14

Je ca tomi' xuhu' ca'. Wari' cwa', pain ca mana panxita' capari' Iri' Jam cwa', wari' e' iri'. Je ca wari' pin ca Jeju pane quem. An tan pan napari' pain ca wari' nexi'. Ma' ta na capa' pain ca mi' pin wa ta na, ma' ta mam' to' quiji' pin ton pain ca mi' pin ne Caxicon Jam ma', co hwara' opa paxi' pain ca to' cono' taxi' cain ca wari' wa ta na.

Tiago 2:19

Ma' xica' pe na Iri' Jam ta na ca howa nem ra? Je i ma' ira! Howa ac i ma' nana oro caxicon jam quem. Howa paxi' nonon Iri' Jam, ane jin' cocon ne, cocoroc nana pain ca jin' cocon ta.

1João 3:8

Wari' nucun Caxicon Jam na co ma' co caracat taxipa' ma', xi caracat taxipa' pan ara ca Caxicon Jam ta. Wara caracat qui' ara xi' nain ca xo' tomi' ma' ten qui' xine macan' pane. Je ca maqui' cain macan' Panxica Iri' Jam quem. Ma' ta to' om pin tain oro ca ara nucun Caxicon Jam ta na pane.

Apocalipse 20:2

Quep xat ac con na co ma' co ac caji hop ma', co caxicon em' pain cara pane, co Caxicon Jam ma', co Satanás na xijein wixicon. Pao' pe ac con na pain arain too, xin mi' ac con na pain cote ne man ca om tawirinain cain. Tao' pa' ac cain na, tao' pa' mip nain, ma' ta om mixein mami' momon oro wari' co to nanain oro xijein macan' ta non. Tao' pa' cara ac tocwa tara, maqui' pa' toron ca 1.000 nein cawaxi' pain ca tao' pa' tocwa ta. Pi' pin iri tara ca 1.000 nein cawaxi' ne, pa hwet wijimain ac tocwa tara, ame hwe e'.

Apocalipse 3:7

Tomi' ac capa' na: Xirao' mi' ron co ma' co querec wet nonon co howa to nanain Filadélfia. Xirao' mi' ac i ca' ron: Je i ca' ca tomi' xim cuhu' co ma' co wara tora' ca Iri' Jam pane, co pe ni ca' nain ca caracat wa ma', wirico co iri'o' ma'. Je i ca' ca tomi' xim cuhu' co pe ho' non ca mam' pa xine manain ca corom ac xine cidade nucun Taramaxicon Davi cara pane. Mo ta pa cain manain, om ca tao' pa' ac cain xucun wari'. Mo ta tao' pa' cain, om ca pa ac cain xucun wari' quem. Tomi' ca' xim nuhu':