Lucas 4:25 - Tradução Bíblica Pacaas Novos

²⁵ Tomi' iri'o' inuhu' pain i ca' quem: Pain oro xec nein ca profeta ca Elias cara pane, to' om pin nain xowi' Iri' Jam. Ma' 3 pin iri na cawaxi' ne, je pain ximijain xijein ma' quem, pe' tamana ac caca na oro wari' pain oro xijein macan'. Ma' mija paxi' nana oro narima' co to nanain Israel pane, co cono' ca' nanam waram taxicacam pane.

Lucas 4:25 Iomraidhean Croise

Mateus 20:15

Om ca hohot ne pain ca ara pan tain ca param ne pain dinheiro ne ra? Cain' cain' xima quem? Ac ca noc mi' momon na pain ca xiram pa' toton ca'. Ac i ma' na waximain totain uva cocon oro co taramaja mi' nonon ma'.

Lucas 10:21

Tomi' querec te pan ac ca na Jeju. Je Tamataracon Iri' Jam ca ja' tomi' querec te non ma'. Tomi' ac ca na: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'. Je ca param nem ma' quem Te. Hohot nem pain ca an hwet mi' momon pain ta na ca tomi' con Iri' Jam.

Romanos 9:15

Wara tomi' ara xi' non Moisés pane. Ca' non pane: Oro wari' co quep xiho' ta' ta' cwa', quep xiho' ac toton tara. Oro wari' co xiram pa' ta' ta' cwa', xiram pa' ac toton tara quem. Ac i ma' na ca tomi' con Moisés Iri' Jam pane.

Romanos 9:20

Cain' cain' xima quem? Wari' co tomi' ximao ac i ma' ma', tomi' ca' ac ton tara: Wari' e' ma ta. Je xi om tomi' carapita mon Iri' Jam quem, ac i ma' ton. Noro rain tapaxi' ca quep ca wari' ma' ac ton tara quem. Tapaxi' ma', ma' tara ca tomi' carapita pan ac con wari' co quep pan nain ra? Para quep ac i ca' mapa' ne ta, ac i ma' toron wari' co quep pan nain ra? Om na ta, ac i ma' tara ca tomi' ton ta.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.

Efésios 1:9

Je ca ara pin cain ca wara coromicat an pe xo' ca pane. An hwet mi' ac capari' na pain ca param nucun ca om an hwet querec ca ira. Wirico Cristo tara co ara mi' nuhu' pain napari'.

Tiago 5:17

Noro jun profeta Elias cara pane. Wari' na, ac iri' ca' na quem. Ane tomi' con Iri' Jam ne, tomi' mip non pain iri' ximicon. Om ta pan' mami' ne xowi' pum ta Te Iri' Jam iri non ne, am pin ac ne na quem. Cawaxi' pa' nonon, cawaxi' pa' mami' nonon quem. Ma' 3 pin iri na cawaxi' pain ca om pan' mami' ne xowi' cocon ne, maqui' pa' ac cocon na ximijain xijein quem.

Apocalipse 11:6

Caram ma' co pijim' hwet nanain capijacon Iri' Jam ma', mi' ac tococwa na pain ca hwara' opa wa pain oro xec nein ca pijim' caca. Ha' nonon pain ca tac caho' cacain xowi', je pain ca to' wic pin cacain com, je pain ca mam' to' em' pin cacain macan' je carawa pain oro ca xirac wa. Ara xin iri tatarain ne, ara ara ac cacain tara.