Lucas 4:23 - Tradução Bíblica Pacaas Novos

²³ Tomi' ac tococwa na: Taxi' inuhu' pain ca tomi' ca' xim mahu' pain i ca' quem, ca tomi' taxipa' caca oro wari' ma'. Tomi' ca' xim mahu': Taraju urut pum pain ca quep xio pin momon oro wari' co to nanain Cafarnaum cain. Je xi quep xio pin momon oro wari' co to nanain macaraxi' ca' quem, ac i ma' paxi' xim mahu' ma' na ca tomi' tococwa ma'.

Lucas 4:23 Iomraidhean Croise

Mateus 13:54

Wa' mao iri nain macaracon ma' ne, pijim' pe ac cain na xirim ca cut in to xucucun ma'. He, cain' cain' ca co cwa' ne ta? Ma' co mi' non pain ca coromicat xo' nucun pain ca taxi' tamana nucun ma' quem ac xucucun na oro wari' co taraju nonon ma'. Ma' co mi' non pain ca ara an hwet pe cain ca hwara' opa nucun pain ca ara cain oro ca om ara taxi' ne ca wari' wa ma' quem nana.

Mateus 4:13

Wa' mao paxi' nain Nazaré ma', ane om mon to wet cain i cain ne. Pe pin tain Cafarnaum ta ac ca na. Cafarnaum ca pe ja' pan nain cote ne com pain Galileia ma', ca pe ja' pan nain oro xijein cidade pain Zebulom je Naftali ma', je ca pe pan ta' ca Jeju quem.

Mateus 4:23

Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Marcos 6:1

Mao ac ca na Jeju ma', mao ac cain na macaracon. Ja' ja' nonon co taxipa' ca ma' quem.

Lucas 2:39

Ara ara pi' pin iri nanain oro ca ara je cacam Iri' Jam pain ca xirao' nucun Moisés ne, in mama' ac cacamain na cidade nequequem ma', pain Nazaré pain Galileia ma'.

Lucas 2:51

Hwet ac tacacama na, xuruxut xuruxut in mama' ac cacamain na Nazaré. Tomi' ha' nanam quem. Jicon ma', om ca ji'am pin camain i ma' ca ara ne con cawinacam ma'. Mam' pe wet cara nain.

Lucas 4:16

In mao ac cain na Nazaré, je i ma' cidade ca hwara' pe ca pain ca pije' nucun. Sábado pin iri na ne, corom mao ac cain na xirim ca cut in to xucucun ma'. Je curucun pane. Noro tain capijacon Iri' Jam ta ac ca na, tequi' pe ac ca na quem.

Lucas 4:31

Mao ac cain na Cafarnaum Jeju ma'. Pe nain Galileia. Sábado pin iri na ne, pain xec nein ca xao to wa ne ca xumu wa ma', pijim' ta' ta ac ca na, ca' na ac tococwa na pain capijacon Iri' Jam oro wari'.

Lucas 4:35

Tomi' in pin ac con na Jeju. Merem maho' ra ta! Hwet ca' ron co cwa' ta na ca tomi' con ma'. Joc pan' ac con na wari' caxicon jam nucun, pain ximijacocon oro wari' ma'. Xin mi' non pain macan'. Hwet ca' ac con na. Hwet ca' e' non, om ca xa con.

Lucas 6:42

Hot pin tain wijimain tohoromi pana ca pe nain tucum ma' xa' mon win ma' ma ra? Je i ma' ne ma ra? Cain' cain' xima quem? Ma' na ca tomi' ac i ma' ac ma ra? Xi ha' quem pain ca querec pin' main cote ne pana ca pe nain tucum ta. Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha pin ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma' na ca tomi' tococwa ma'.

João 4:28

Narima' ma', an pe ac camain na ca mam' cam cama com ma', in mao ac camain na cidade. Tomi' tomi' xam' ac tococwa na oro wari':

2 Coríntios 5:16

Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.