Lucas 4:20 - Tradução Bíblica Pacaas Novos

²⁰ Pi' pin iri na ca noro cain ne, joc top in hwet ac cain na, an in mi' ac con pain na co cut xo' to nain oro ca xirao' nein capijacon Iri' Jam ma'. Xao pe ac ca na quem. Momon noro momon noro pi' pin ac cocon na oro wari' co cut in xucucun ma'.

Lucas 4:20 Iomraidhean Croise

Mateus 26:55

Cain' cain' xihwe quem ac tococwa na oro wari' co quep xun nonon ma'. Para cut hwein cote ne quit je pana mam' wap wa pain ca quep xim mahu' ma' quem? Ac ca an noc xa taxipa' ta' carawa na pahu' ra na ca tomi' tococwa ma'. Wara pe ho' paxi' inuhu' pain oro xijein xec pane, pain ca ca' na pe tain cote ne xiricon Iri' Jam capijacon pane. Je xi quep qui' mahu' pain i cain pane?

Mateus 27:60

An corom pe ac cain na curucun Jeju pain manain pacun ma', ca an corom pe pe xin cacain cwere oro ca nari ne pain ca aram aram mi' pin ta' ne pan ca ma'. Om ca pain homa ne ca xe' xine. Xocorinain ta. Je ca an corom pe pe cain curucun Jeju. An corom pe pin iri nain ne, joc in ac cain na cote ne pacun pain manain ma', tao' pa' pin ac cain na, mao ac ca na quem.

Lucas 19:48

Ane om ha' cocon ne. Xi om ne ca jain jain pan ara cocon oro wari' pain ca tama' taraju xixin na cocon pain ca pijim' nucun ta.

Lucas 4:17

An mi' ac cocon na pain ca joc top xine tapari carawa ca xirao' pe ne ca xirao' nucun profeta Isaías cara pane. Pa ac cain na, mam' ac cain na ca xirao' pe nucun ca noro ta' ca ma'. Ca' na ca noro nucun:

Lucas 4:21

Tomi' ac tococwa na: Je i ca' xec nein ca win hwet pin ne capijacon Iri' Jam ca xirao' pe xine pane, ca xo' taraju hwe ca' ne na ca tomi' nucun ma'.

Lucas 5:3

piton pe ac cain na wirain ma', ca mene ca Simão ma'. Amon joc in mao ca' ra pain namaji mam' horoho wa ca' ac con na. Xao pe pe ac cain na mam' horoho wa ma', ca' na ca' na ac tococwa na pain capijacon Iri' Jam.

João 8:2

Iri' xo' xec pin iri na ne, in mama' ac urut pain na cote ne xiricon Iri' Jam ma', pain ca tao' caho' nein ma'. Mija ac caca na oro wari' co to to mam' pin nonon Jeju ma' quem. Xao pe ho' ac tococwa na, ca' na ac tococwa na pain capijacon Iri' Jam.

Atos 16:13

Sábado pin iri na ne, tomi' ac xujuxut na: Maji pain cacarain com ta. Am ma' pe nein i cain ca cut in to xucucun oro judeu co tomi' xun nonon Iri' Jam ma' ac xujuxut na. Hwerehwet ca' urut pain cidade, xuruxut hwet ac urut pain na cacarain com ma'. Xao to ac urut na. Wara ma' nana oro narima' co cut in xequequem ma'. Tomi' ac urut cacam na.

Atos 3:12

Querec iri nonon oro wari' Pedro ma' ne, pain ca jein hwet cocon ma', tomi' ac cocon na: Para joc herehe ne tucuhu' pain ca querec hun co cwa', pain ca xut pin ca ca' oro win ma' ne pain ca wari' nein Israel iri' ca'? Para noro tamana maparut quem? To' xut totoron pain ca hwara' opa pan nucucun ma' maparut ra? To' xut totoron pain ca xuruxut xo' pan nucucun pain ca win xumu e' cacain ca param nucun Iri' Jam ma' maparut ra?