Lucas 4:2 - Tradução Bíblica Pacaas Novos

² Ma' 40 ac ne na xec pain ca momon tomi' querec con pain ca caracat wa Caxicon Jam. Om ca cao' camain' ca pain oro xec ca mon to wet cain i cain. Pi' pin iri na oro xec nein ne, pe' pin ac ca na quem.

Lucas 4:2 Iomraidhean Croise

Mateus 21:18

Iri' xo' xec pin iri na ne, in mama' xin Jerusalém ta ac caparut na Jeju, mama' ac urut na. Xuruxut xuruxut, pe' ac ca na Jeju.

Mateus 4:2

Mon to wet ac cain na i cain. Om ca cao' ca. Noc nain ca cao' wa. Ma' ta tomi' ton Te ta na. Ma' 40 na xec, ma' 40 na xim pain ca om cao' ca pane quem. Pe' pin ac ca na.

Lucas 4:3

Tomi' ac con na Caxicon Jam: Ara capam' pin ximain pacun ca' quem? Win ne ca Panxica Iri' Jam ina ma ma' na ca tomi' querec con ma'.

João 4:6

Je ca pe ne manain com ca xe' ca Jacó pane quem. Cut xi' carawa ca cao' wa ta ac urut na pain ca taxipa' urut con Jeju ca', mama' ac urut pain na cidade. Jeju ma' iri na ne, xao pe ja' pan nain manain com ma'. Xi om ne ca jam' pin ara ca pain ca xut wa ta. Tocon xina pin na. Maqui' ac cama na narima' nein Samaria. Cam ta' com na. Tomi' ac cam na Jeju: Xiram pa' ne, cam mi' wijimain ne pain com ma' nam.

Hebreus 2:18

Ha' non Jeju pain ca quep xiho' capari' pain ca tomi' querec capari' Caxicon Jam ma', pain ca caracat je capari' ma'. Xi om ne ca jain jain pan ara ca pain ca caracat ra con Caxicon Jam pane ta.

Hebreus 4:15

Xi taxi' ara capari' pain ca om hwara' opa nexi' pain ca wari' nexi' ta. Ha' non pain ca xiram pa' capari', xi wara tomi' querec ximao pan ara tocwa pain oro ca caracat wa pane ta. Wirico Caxicon Jam co caracat ra caracat ra non pane, win capari' pain xocori ca' quem. Ane om caracat camain' ca ne.