Lucas 4:18 - Tradução Bíblica Pacaas Novos

¹⁸ Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

Lucas 4:18 Iomraidhean Croise

Mateus 11:5

Querec pin' nana co om tococon. Xuruxut pin nana co xuruxut xirac nana. Xio pin nana co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 12:20

Om ta tomi' mana' cocon co naro nana ma', co an xiho' e' nanain taparain pana ca torotop xat ma', co an xiho' e' nanain naran ca jo' pin ta' ma'. Taramaja ac i ma' tara. Taramaja taramaja maqui' pa' ac con tara xec nein ca to' quiji' pin tain cain oro ca om awi wa.

Mateus 4:16

To paxi' nanain ca jitacat nein xim ira, ane querec cacain cote ne naran ne. Jin' paxi' nanain ca cono' wa ira, ane toha pin cocon naran ne. Ac i ma' na ca xirao' pe ca profeta Isaías pane.

Mateus 5:3

Param mi' tata pain ca awi wa oro wari' co ximin nana ma', xi wari' ne ara tococwa pain ca taramaxicon pe ho' xun tococwa ma'.

Lucas 4:17

An mi' ac cocon na pain ca joc top xine tapari carawa ca xirao' pe ne ca xirao' nucun profeta Isaías cara pane. Pa ac cain na, mam' ac cain na ca xirao' pe nucun ca noro ta' ca ma'. Ca' na ca noro nucun:

Lucas 6:20

Noro ac tococwa na co taxipa' ca ma'. Tomi' ac tococwa na: Wahu' pain ca ximin hwe ma', param mi' nuhu' pain ca awi wa Iri' Jam. Xi wari' ne ara cuhu' pain ca taramaxicon pe ho' xim cuhu' ta.

Lucas 7:22

Taraju iri nonon pain ca tomi' querec nucucun co taxipa' ca João ne, tomi' xo' ac tococwa na: In hwet jun João ta. Tomi' hwet ac hun tara pain oro ca querec hwe ca', je pain oro ca taraju hwe ca' quem. Querec pin nana co om tococon. Xuruxut pin nana co xuruxut xirac nana. Xio pin nana wari' co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.

João 1:41

Pirao' hap ton aji' Simão ta ac ca na, mo hwet ac con na. Mam' urut con Messias ta aji' ac con na. Cristo na ca tomi' mao ne ca Messias wa pain capijaxut pain ca judeu urut ca'.

João 12:46

Ac naran ina pain ca maqui' tain macan' ca', toha mi' inonon pain ximicocon oro wari'. Ma' ta om to cara cacain ca jitacat nein oro wari' co howa nanapa' ta ina.

João 3:34

Jeju co mao rain macan' ca Iri' Jam pane, tomi' hwet nain iri' ca tomi' nucun Iri' Jam. Xi om ne ca mi' ara con pain oro ca hwara' opa nein Tamataracon.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Atos 26:18

Ac ca to' querec pin momon tara pain tococon ma', ma' ta querec pin' cacapa'. Ac ca to' xuruxut ni ca' momon tara pain ca jitacat nein ma', pain ca xuruxut pin xin cacain naran ne ca', pain ca an to pin xin cacain ca caracat nucucun ma' quem. Taramaxicon pe ho' taramaxicon pe ho' om pin ac cocon tara Caxicon Jam, taramaxicon pe ho' pin ac cocon tara Iri' Jam ma' quem. Howa iri tatarapa' ne, xic am pin ac tococwa tara pain ca caracat nucucun, aram aram mi' mi' ac tococwa tara pain oro ca param nucun Iri' Jam ca cut to xo' mi' xun tococwa pain oro wari' nucun co to' hohot pin ca ma'. Ac i ma' na ca tomi' capa' Jeju pane.

Atos 4:26

Mixita xi' nana oro taramaxicon nucucun oro wari' cwa'. Wara cut in xucucun. Maji mixita xun Taramaxicon Iri' Jam. Maji mixita xun Cristo ta xucucun. Ac i ma' na ca tomi' ca hwanana nuxut Davi cara pane ta Coturut Iri' Jam.

Atos 4:27

Iri'o' na quem Taramaxicon nuxut ac cocon na. Cut in xucucun oro taramaxicon pain Jerusalém pane. Wirico Herodes con Pôncio Pilatos cocon oro win ma' nuxut pain ca judeu urut ca', cocon oro wari' co om judeu nana ma' quem, cut in xucucun pane. Tomi' xo' ac xucucun na con Panxima Jeju co tora' ma pane, co win xumu nem pain ca tama' tomi' ha' quem pane. To' pa' pin xun ta ac xucucun na.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.

1Pedro 2:9

Wahu' iri na ne, tora' nuhu' Iri' Jam pain ca wari' ne cuhu' ma'. Ac sacerdote nucun pin hwe pain ca taramaja mi' hun pain ca Iri' Taramaxicon ca ma'. Xica' pe na Iri' Jam co wari' ne nuhu'. Ma' ta tomi' hwet huhun oro wari' pain ca hwara' opa tamana ne ca', pain ca ara mi' toton pain oro ca awi wa ca' nuhu'. Wirico co hwerehwet ca' jein ca jitacat nein xim ta nuhu' pane, wirico co wixicam pin xine pain naran ne ca awi tamana ca' nuhu' pane quem.