Lucas 4:17 - Tradução Bíblica Pacaas Novos

¹⁷ An mi' ac cocon na pain ca joc top xine tapari carawa ca xirao' pe ne ca xirao' nucun profeta Isaías cara pane. Pa ac cain na, mam' ac cain na ca xirao' pe nucun ca noro ta' ca ma'. Ca' na ca noro nucun:

Lucas 4:17 Iomraidhean Croise

Lucas 16:29

Om na ta ac con na Abraão. Wara taraju nanain ca xirao' nucun Moisés pain ca xirao' nucucun oro profeta pane. Tomi' ha' ma' tatarain ca xirao' nucucun ne na.

Lucas 20:42

Xi tomi' ac i ca' ara ca Davi pane ta, pain ca tomi' mi' con Cristo pane. Ca' na ca xirao' pe cain ca tomi' nucun pain Oro Tamara' pain capijacon Iri' Jam pane: Tomi' non Taramaxicon ne Iri' Jam co iri' Taramaxicon ma': Xao pe ho' ne pain iri' cwere ca'.

Lucas 4:16

In mao ac cain na Nazaré, je i ma' cidade ca hwara' pe ca pain ca pije' nucun. Sábado pin iri na ne, corom mao ac cain na xirim ca cut in to xucucun ma'. Je curucun pane. Noro tain capijacon Iri' Jam ta ac ca na, tequi' pe ac ca na quem.

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

Lucas 4:20

Pi' pin iri na ca noro cain ne, joc top in hwet ac cain na, an in mi' ac con pain na co cut xo' to nain oro ca xirao' nein capijacon Iri' Jam ma'. Xao pe ac ca na quem. Momon noro momon noro pi' pin ac cocon na oro wari' co cut in xucucun ma'.

Atos 13:15

Pe nain i ma' wari' co noro mi' nonon pain ca xirao' nucun Moisés oro wari' co xao to nana ma'. Noro mi' nonon pain ca xirao' nucucun oro profeta ma' quem. Pi' pin iri na ca noro nucun ne, tomi' ac caca na co querec wet taxipa' nonon pain ca cut in xucucun ma', tomi' ac cocon na wari' ma': Mo tomi' ron Paulo cocon oro win ma' ca ma': Mo ta ma' cuhu' ca pijim' wa ma' oro win ma' nuxut, mo ta hu xim maparut ma', pijim' mi' xut pain me roron ta nonon. Tomi' ac tococwa na.

Atos 13:27

Om ca querec pin' cocon Jeju oro wari' nein Jerusalém pane. Om ca querec pin' cocon oro taramaxicon nucucun quem. Om tara wirico co to' witan ca' xim napari' pain ca caracat nexi' ta nonon pane. Noro taxipa' paxi' nanain oro ca xirao' to nucucun oro profeta pain oro sábado pain ca xao to wa cacain ximicocon, ane om taraju pa' cacain ne. Mi' pin ma' tara ne iri nonon Jeju ne, ara pin ac cacain na ca xirao' to caca oro profeta con pane.

Atos 7:42

Je ca xin in ca' tococwa pane. Xin in pan nonon Iri' Jam. To wet iri caca ma'. Howa ximama' ma' tatara ne tata. Mo ta pe torotop mi' querec te xun cocon panawo' con pijo' ma', je i ma' cocon, to wet iri caca ma'. Param ma' totoron ne tata. Win ne ca xirao' pe ca profeta pain cara pane. Ca' na con pane: Tomi' querec xuhu' oro wari' nein Israel: Wata' tara co to' pa' mi' hwe pain carawa pane ra? Wata' tara co tom tain' mi' hwe pane ra, pain ca ma' 40 ne cawaxi' pain ca to hwein mahweri pane?