Lucas 4:16 - Tradução Bíblica Pacaas Novos

¹⁶ In mao ac cain na Nazaré, je i ma' cidade ca hwara' pe ca pain ca pije' nucun. Sábado pin iri na ne, corom mao ac cain na xirim ca cut in to xucucun ma'. Je curucun pane. Noro tain capijacon Iri' Jam ta ac ca na, tequi' pe ac ca na quem.

Lucas 4:16 Iomraidhean Croise

Mateus 2:23

To pin ac cacamain na Nazaré cain, je i ma' wixinain cidade ca to pin cacama pane. Ma' ta hwet pin ne capija ca wara tomi' pe ta' pane, pain ca tomi' hwet rain ta toton oro profeta pane na Iri' Jam. Ca' na con pane: Maqui' tarain Nazaré wari' co wara tomi' pe ta' cwa'. Ac i ma' na ca tomi' pe nucun pane.

Lucas 2:39

Ara ara pi' pin iri nanain oro ca ara je cacam Iri' Jam pain ca xirao' nucun Moisés ne, in mama' ac cacamain na cidade nequequem ma', pain Nazaré pain Galileia ma'.

Lucas 2:42

Ma' 12 pin iri na cawaxi' nucun Jeju ne, maji ta arain ac cocon na, win iri' pane nana, mama' ac cacama na.

Lucas 2:51

Hwet ac tacacama na, xuruxut xuruxut in mama' ac cacamain na Nazaré. Tomi' ha' nanam quem. Jicon ma', om ca ji'am pin camain i ma' ca ara ne con cawinacam ma'. Mam' pe wet cara nain.

Lucas 4:15

Ca' na pe nain oro xirim ca cut in to xucucun oro judeu, awi na awi na pi' pin ac cocon na oro wari' quem.

Lucas 4:17

An mi' ac cocon na pain ca joc top xine tapari carawa ca xirao' pe ne ca xirao' nucun profeta Isaías cara pane. Pa ac cain na, mam' ac cain na ca xirao' pe nucun ca noro ta' ca ma'. Ca' na ca noro nucun:

Lucas 4:21

Tomi' ac tococwa na: Je i ca' xec nein ca win hwet pin ne capijacon Iri' Jam ca xirao' pe xine pane, ca xo' taraju hwe ca' ne na ca tomi' nucun ma'.

Lucas 4:23

Tomi' ac tococwa na: Taxi' inuhu' pain ca tomi' ca' xim mahu' pain i ca' quem, ca tomi' taxipa' caca oro wari' ma'. Tomi' ca' xim mahu': Taraju urut pum pain ca quep xio pin momon oro wari' co to nanain Cafarnaum cain. Je xi quep xio pin momon oro wari' co to nanain macaraxi' ca' quem, ac i ma' paxi' xim mahu' ma' na ca tomi' tococwa ma'.

João 18:20

Tomi' ac con na: Tama' pijim' pijim' xam' inonon oro wari' pane. Taraju taraju pi' pin nanapa'. Tama' pijim' pe inain oro ca cut in to taxipa' caca ma', je pain oro xirim ca cut in to taxipa' xijexi' pain ca judeu iri' ca', je pain cote ne xiricon Iri' Jam ma' quem. Om ca pijim' noc xa camain' ta' quem ac ca na.

Atos 17:2

Sábado pin iri na ne, pain ca xao to wa taxipa' cacain ximicocon oro judeu ma', corom ac cain na Paulo. Je curucun, corom taxipa' nain oro xirim ca cut to xucucun oro judeu pain oro sábado pane. Corom hwet ac tococwa na co wara cut in xucucun pain i ma', tomi' xo' tomi' xo' ac xucucun na pain capijacon Iri' Jam ca xirao' to caca oro profeta cara pane. Ma' 3 na sábado pain ca tomi' xo' xucucun pane.