Lucas 4:15 - Tradução Bíblica Pacaas Novos

¹⁵ Ca' na pe nain oro xirim ca cut in to xucucun oro judeu, awi na awi na pi' pin ac cocon na oro wari' quem.

Lucas 4:15 Iomraidhean Croise

Mateus 13:54

Wa' mao iri nain macaracon ma' ne, pijim' pe ac cain na xirim ca cut in to xucucun ma'. He, cain' cain' ca co cwa' ne ta? Ma' co mi' non pain ca coromicat xo' nucun pain ca taxi' tamana nucun ma' quem ac xucucun na oro wari' co taraju nonon ma'. Ma' co mi' non pain ca ara an hwet pe cain ca hwara' opa nucun pain ca ara cain oro ca om ara taxi' ne ca wari' wa ma' quem nana.

Mateus 4:23

Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Mateus 9:35

Maji ta ac ca na Jeju ma', mama' ac urut pain na oro xijein cidade, je pain oro ca paric to ne xirim ma' quem. Ca' na pe ac cain na oro xirim ca cut in to xujuxut pain ca judeu urut ma'. Pijim' mi' tata pain capijacon Iri' Jam pain ca taramaxicon pe ho' ton cocon ma'. Quep xio ac tococwa na oro wari' pain oro xijein ca caxi nucucun quem.

Mateus 9:8

Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Marcos 1:27

Wa wa wa wa pi' pin ac caca na oro wari' ma'. Cain' cain' xira con ne? Pijim' jimao na ron. Ac taramaxicon na, hwara' opa tamana na ta! Hwerehwet ca' jujun oro wari' ta iri tata oro caxicon jam ne, tomi' ha' pan ac cocon na, ac i ma' na ca tomi' xucucun.

Marcos 1:39

Je ca mao mao pi' pin cain oro xijein cidade pain Galileia Jeju pane. Pijim' pe nain oro xirim ca cut in to xucucun oro win judeu urut ma', tomi' jein pin ac tococwa na oro caxicon jam nucucun oro wari' quem.

Marcos 1:45

Ane om tomi' ha' ca ne. Paca' iri non ne, tomi' hwet pin ac tococwa na oro wari' pain ca quep xio pin con Jeju. Taraju taraju pi' pin nanain oro wari'. Je ca mao noc xa e' cain oro cidade Jeju. Mo mo pe mao paxi' na, xut mao e' nain ca om pe ca wari'. Ane jein hwet cara cocon oro wari' co maqui' nanain oro cidade ma' ne.

Lucas 13:10

Maqui' iri na xec nein ca xao to wa taxipa' cacain ximicocon oro judeu ma' ne, pain sábado ma', ca' na toton pain capijacon Iri' Jam oro wari' cwa' ta ac ca na Jeju ma', ca' na pe ac cocon na pain xirim ca cut in to xucucun ma'.

Lucas 4:16

In mao ac cain na Nazaré, je i ma' cidade ca hwara' pe ca pain ca pije' nucun. Sábado pin iri na ne, corom mao ac cain na xirim ca cut in to xucucun ma'. Je curucun pane. Noro tain capijacon Iri' Jam ta ac ca na, tequi' pe ac ca na quem.