Lucas 4:1 - Tradução Bíblica Pacaas Novos

¹ Pe ho' mip iri non Tamataracon Iri' Jam Jeju ne, in ca' ac cain na Jordão ma'. An mao ac tocwa na pain cote ne mahweri. Je Tamataracon Iri' Jam pan na ca an mao non ma'.

Lucas 4:1 Iomraidhean Croise

Mateus 3:16

Ja' pin iri ta ne, hwet ca' ac cain na com. Ane ane pa ac ne na nanawin. Querec ac cain na Tamataracon Iri' Jam pain ca quiji' hwet con ma'. Ac ca quiji' qui' ca xucu' na pain ca quiji' hwet con ma', pain ca xat con ma'.

Lucas 2:27

Tomi' ac con na Tamataracon: Mao rain cote ne xuru ta non, mao ac ca na. An corom qui' iri non pije' cote ca cam jicon ma' ne, pain ca ara xin cacamain ca xirao' nucun Moisés ma', pain ca mon cwa' ta xun Iri' Jam ta cacama ma',

Lucas 3:3

Ma ac ca na, pijim' mao ac cain na oro xijein cidade ca to ja' pan nain iri' cwerein com ma', Jordão ma'. Pijim' ac tococwa na oro wari': Ja' je com ta. Ma' ta querec pin' xihwe pain ca cwirin' pin hwein ca caracat nuhu', je pain ca xic am pin cain ca caracat nuhu' Iri' Jam quem ta tata.

Lucas 3:38

Cainã ma', panxica Enos na. Enos ma', panxica Sete na. Sete ma', panxica Adão na. Adão ma', panxica Iri' Jam na.

Lucas 4:14

In mao ac cain na Galileia Jeju. Pe ho' mip non ca hwara' opa nein Tamataracon Iri' Jam quem. Tomi' hwet tomi' hwet pi' pin ac xucucun con na oro wari' pain oro xijein cidade pain i cain.

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

João 1:32

Tomi' ac tococwa na: Querec inain Tamataracon Iri' Jam pain ca quiji' qui' nein pawin pane. Ac ca quiji' ca xucu' cwa' na pain ca quiji' qui' nein pawin. Quiji' quiji' xat ho' ac con na Jeju.

João 3:34

Jeju co mao rain macan' ca Iri' Jam pane, tomi' hwet nain iri' ca tomi' nucun Iri' Jam. Xi om ne ca mi' ara con pain oro ca hwara' opa nein Tamataracon.

Atos 1:2

Ca taramaja nucun pane, taramaja taramaja maqui' pa' ac con na xec nein ca an piri' mao con pain pawin Iri' Jam. Xirao' mi' inem pain i ma' con quem. Om om wet iri na ca an piri' mao con pain pawin Iri' Jam ne, tomi' xo' ac tococwa na oro apóstolo co wara tora' ca pane, wiricoco co taxipa' ca ma', co an xin tiquin' mi' jujun pain capija oro wari' ta ca ma'. Je Tamataracon Iri' Jam ca mi' non pain ca tomi' nucun pain ca tomi' xo' tococwa pane.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.

Atos 8:39

Hwerehwet ca' iri nanain com ne, ane ane om pin ac ca na Filipe ma'. Tamataracon Iri' Jam na ca an mao non. Wari' ma' iri na ne, om ca querec mami' con Filipe. Xut tiquin' mao ac ca na. Tomi' querec te tamana na quem.