Lucas 3:9 - Tradução Bíblica Pacaas Novos

⁹ Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem na ca tomi' tococwa ma'.

Lucas 3:9 Iomraidhean Croise

Mateus 3:10

Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem. Ac i ma' na ca tomi' tococwa ma'.

Mateus 7:19

Oro panaji memem ca om wina awi ma', ta' caracat pi' pin ac xine na, wixicao' mi' ac xine na pain xe quem.

Lucas 13:6

Tomi' joc mam' mi' ac tococwa na pain panajinain figo ca om ma' winain ma'. Ca' na ca pijim' nucun: Ma' na wari' co oin' pe nain totacon panaji figo. Cat ta' figo ta ac ca na, noro noro ac cain na quem. Noro paxi' nain, ane om mi ne ne. Om ca mam' camain' cain.

Lucas 13:7

Je ca tomi' con wari' nucun co querec wet nain totacon: Ma' 3 pin na cawaxi' pain ca noro noro tain panaji figo ca', pain ca cat ta' figo ta ta' ca'. Om ca mi ne, om ca mam' camain' tain figo pain. Ta' cat pin rain! Om ca na ne pain ca to' i'ina cara nein oro wirain panaji memem pain ca horon xo' ne ta na ca tomi' con ma'.

Lucas 13:9

Am mi ta' ne pain xijein cawaxi'. Mo ta om mi ne, ta' cat pin ac xin tara ta non. Ac i ma' na ca pijim' joc mam' mi' tococwa pain panaji figo ca om mi winain pane.

João 15:6

Wari' co om win cwere napa' ma', ac taparain panaji uva ca om wina ma', ca xin pin wa ma', ca mi' pin ma'. Oro taparain panaji uva ca cono' ac i ma' ma', cut in ac xine na, wixicaracao' mi' ac xine na pain xe ma', wiran mao ac ne na quem.

Hebreus 10:28

Noro jun wari' co om tomi' ha' ra na nain ca xirao' nucun Moisés pain cara pane. Ma' 2 iri nana wari' co querec urut con nonon pain ca caracat nucun ne, am ma' 3 caca co querec urut con ta nonon ma', to' pa' pin ac tocwa na. Om ca xiram pa' camain' tocwa.

Hebreus 12:29

Xi ac xe ca tom tom pi' pin nain oro carawa ara ca Iri' Jam nexi' ta.