Lucas 3:8 - Tradução Bíblica Pacaas Novos

⁸ Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Lucas 3:8 Iomraidhean Croise

Mateus 21:43

Je ca tomi' xuhu' ca' ac tococwa na. Iri' Jam ma', wari' ne paxi' nuhu' pain ca taramaxicon pe ho' toton cuhu' ira. Ane noc pin mahu' ne. Je ca maho' pin xim cuhu' pain ca judeu hwe ma'. Wari' ne wari' ne om pin xim nuhu' Iri' Jam. Wari' ne pin totoron oro xucucun wari' co tomi' ha' xun nonon ma'.

Mateus 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' nuhu' pain ca caracat nuhu' ta.

Mateus 3:9

Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne, pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca' ac tococwa na. Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Lucas 13:25

An xiho' nain waximain xirim Iri' Jam quem. Tao' pa' tain iri tarain xiricon ne, hwet to ca' ac hwein tara, tataca ac hwein tara manain. Pa xut, corom xi' urut ta taramaxicon ac hun tara. Om na, om ca querec pin' camain' xuhu' ta ac cuhu' tara.

Lucas 13:26

Cain' cain' xima quem ac hun tara. Cao' to ho' urut pum pane, toc to ho' urut pum pane quem, pijim' maparut pain cidade nuxut quem ac hun tara.

Lucas 14:9

Mo ta xao pe ho' hap momon co hwara' opa nana ma', mo ta corom ca xucun co hwara' opa tiquin' ca' nem quem, mo ta tomi' ca' quem waximain ca cao' querec te wa ma': Om na, cam paca' ron co cwa' co hwara' opa tamana cwa', xao pe ho' pan roron caram ma' co om hwara' opa homa nana ma' quem, mo ta tomi' ac i ma' quem, wixipa' ac ma tara, xao pe ho' pin ac momon tara co om hwara' opa homa nana ma' quem.

Lucas 19:40

Om na ta ac tococwa na. Mo xi tacana to caca co taxipa' ta' cwa', pain ca tomi' querec te tamana cacapa' ca', merem pan ac ne xira oro pacun pain ca tomi' hwet nein ca tomi' querec te nein pata' ta na ca tomi' tococwa ma'.

Lucas 19:9

Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem.

Lucas 5:21

Coromicat ximama' ac caca na oro fariseu cocon oro co ca' na taxipa' nanain ca xirao' nucun Moisés: Cain' cain' xira con ne? Para tomi' ac i ma' ca ma' quem? Iri' Jam ina xi' ma na ron? Xi xic am pin taxi' cain ca caracat wa ca wari' wa ta! Xica' pe na Iri' Jam co xic am pin taxi' nain ca caracat wa ta na ca coromicat ximama' nucucun.

João 8:33

Cain' cain' xira quem ac cocon na. Xi iri' hwanana ne ara urut con Abraão cara pane ta. Wirico co wanxi' non hwanana nuxut pane. Om ca quep xat camain' caparut carawa. Para witan ca' jein carawa ca quep xat nuhu' ma' maparut quem nonon.

João 8:39

Om na, wirico Abraão cara pane co te urut ca', ac ca te urut con na pain ca wanxi' cocon hwanana nuxut cocon mana coturut pane ac caca na. Mo xi wanxi' con hwanana nuhu' Abraão pane, mo xi te iri'o' hun, an xiho' ac hun xira pain ca xut xo' nucun ta ac tococwa na.

Atos 26:20

Pijim' cain' inonon co to nanain Damasco, pijim' ac toton na co to nanain Jerusalém, wiricoco co to nanain oro xijein cidade pain Judeia ma' quem. Pijim' inonon co om judeu nana quem. Cwirin' jein ca caracat nuhu', howa jun Iri' Jam quem inonon. Ara jein ca awi wa, ma' ta querec pin' xihwe pain ca cwirin' pin hwein ca caracat nuhu' ta inonon pain ca pijim' toton pane.

Romanos 4:16

Je ca wara tomi' pe con Abraão Iri' Jam pane. Howa iri non ne, wara tomi' pe ac con na. Ma' ta querec pin' mapa' pain ca tomi' iri'o' xim ca', pain ca ara mi' e' xim pain ca wara tomi' pe ne ca' non pane. Ara mi' e' xim pain, xi om ne ca param ara tain pum, ac i ma' na ca wara tomi' pe con pane. Ara mi' e' toton pain waram winam ma' quem, ac i ma' non pane. Je ca tomi' xuhu' ca'. Om ca tomi' e' tococwa waram winacon co judeu nana ma', co tomi' ha' nanain ca xirao' nucun Moisés ma'. Tomi' napari' pain ca an xiho' xun Abraão pain ca howa nucun ma' quem. Hwanana ne hwanana ne pi' pin ara xi' urun Abraão ta.

Romanos 9:7

Hwanana ne paxi' nonon Abraão waram winacon pane, ane om iri' waram winacon iri' waram winacocon pi' pin caca ne. Xi wara tomi' pe ca' ara con Abraão Iri' Jam pane ta: Wiricoco waram winacon Isaque pan tatara co iri' waram winam pan xi' nana ta. Ac i ma' na ca wara tomi' pe con pane.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.