Lucas 3:7 - Tradução Bíblica Pacaas Novos

⁷ Mija nana wari' co hwet nonon João pane, ma' ta ja' capari' pain com ta nana. Om ca paric camain' caca. Hwet iri nonon ne, tomi' ac tococwa na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Lucas 3:7 Iomraidhean Croise

Mateus 12:34

Je ca tomi' xuhu' ta oro caxicon em'. Ma' tara ca awi ac ne ca tomi' nuhu' pain ca om awi pan nuhu' ra? Carawa ca coromicat taxipa' hwe pain iri' xumuhu' ma', je ca tomi' hwet hwe pain capijahu' ma' quem.

Mateus 23:33

Mija hwe xin ta ac tococwa na. An xiho' hun em' co huru caxi. Ma' na ca witan ca' ac hun Iri' Jam pain ca wixicaracao' mi' xim cuhu' pain cote ne xe ra?

Mateus 3:6

Tomi' hwet pin iri nanain ca caracat nucucun ne, ja' pan ac cocon na pain com João ma'. Ja' pe tata pain Jordão ma'.

João 8:44

Te hun Caxicon Jam ma' ira. An xiho' hun quem. Wara to' pa' taxipa' non wari' pain ca xo' quep qui' xine macan' pane, mao ac ne ma' na con, je curucun mao na. Noc nain ca tomi' iri'o' wa. Om ca tomi' iri'o' taxi' ca. Tomi' mixein iri na ne, ara e' nain carawa ca maqui' nain ximicon. Xi tomi' mixein taxipa' ara ca ta. Wirico co ja' tomi' mixein nonon oro wari' co tomi' mixein nana ma' quem.

Atos 13:10

An xiho' a ximon Caxicon Jam ta! Ari ari pi' pin main oro ca awi wa ta. Iri' waximain ca mixein wa pain ca pan tem wa a xima. Je xi tomi' napat maho' qui' mon Iri' Jam pain ca iri'o' nucun quem? Mixein taxipa' a xima, tomi' ni ca' a ximain capijacon ca iri'o' ta na ca tomi' carapita con ma'.

1 Tessalonicenses 1:10

Tomi' hwet nanaparut pain ca winim' hun Panxica ma', co to' e' mami' ca ma'. Winim' hun Jeju pain ca in qui' tain cain pawin. Wirico Jeju co to' witan ca' xim napari' con Cote ca co wap toton nonon oro caracat ma', pain ca mama' jein cote ne xe toton cocon ma'.

Hebreus 6:18

Je ca tomi' xuhu' ca'. Ma' 2 na ca tomi' nucun Iri' Jam ta. Om ca an in camain' cain quem. Tomi' pe mi' napari' pain carawa ca ara mi' xim capari' ma', an hwet ac cain na wixicon pain ca tomi' an pe cain quem. Tomi' iri'o' na quem, om ca mixein ac ca Iri' Jam. Tomi' ac i ma' napari', ma' ta hwara' opa hwe pain ca howa mahu' ma', pain ca wixicam mahu' pain ca winim' hwein xec nein ca ara mi' xim xuhu' pain oro ca wara tomi' an pe mi' xuhu' ca' napari'.

1João 3:8

Wari' nucun Caxicon Jam na co ma' co caracat taxipa' ma', xi caracat taxipa' pan ara ca Caxicon Jam ta. Wara caracat qui' ara xi' nain ca xo' tomi' ma' ten qui' xine macan' pane. Je ca maqui' cain macan' Panxica Iri' Jam quem. Ma' ta to' om pin tain oro ca ara nucun Caxicon Jam ta na pane.